មន្ត្រីយោធាអ៊ុយក្រែនបានអះអាងពី ចំណុចរបត់ថ្មីមួយ នៅក្នុងការប្រយុទ្ធដើម្បីដណ្តើមយកតំបន់ Kherson ភាគខាងត្បូងនៃប្រទេស ដោយនិយាយថាពួកគេនឹងប្រើប្រាស់អាវុធលោកខាងលិចដើម្បីរំដោះតំបន់នេះឲ្យបាន នៅខែកញ្ញាជាទីក្រុងដ៏សំខាន់ដំបូងគេដែលត្រូវដណ្ដើមដោយកងកម្លាំងរុស្ស៊ី នេះបើតាមការចេញផ្សាយដោយសារព័ត៌មាន The Guardian ។
លោក Sergiy Khlan ជំនួយការប្រធានរដ្ឋបាលនៃតំបន់ Kherson បាននិយាយនៅក្នុងបទសម្ភាសន៍ជាមួយទូរទស្សន៍អ៊ុយក្រែនកាលពីថ្ងៃអាទិត្យថា “យើងអាចនិយាយបានថា ចំណុចរបត់មួយបានកើតឡើងនៅលើសមរភូមិ ។ យើងកំពុងប្តូរយុទ្ធសាស្រ្តពីការការពារទៅជាសកម្មភាពវាយលុក»។
លោកបានបន្ថែមថា “យើងអាចនិយាយបានថា តំបន់ Kherson ប្រាកដជានឹងត្រូវបានរំដោះនៅខែកញ្ញា ហើយផែនការរបស់រុស្ស៊ីទាំងអស់នឹងបរាជ័យ” ។
ដោយការចែកចាយកាំភ្លើងធំរយៈចម្ងាយឆ្ងាយដែលផ្គត់ផ្គង់ដោយលោកខាងលិច កងកម្លាំងអ៊ុយក្រែនបាននឹងកំពុងវាយដណ្តើមយកទឹកដីវិញនៅក្នុងតំបន់ Kherson ភាគខាងត្បូងក្នុងប៉ុន្មានសប្តាហ៍ថ្មីៗនេះ ដោយបន្ថែមថា កងទ័ពរបស់ខ្លួនកំពុងខិតទៅជិតការវាយលុកដែលបានសន្យាជាយូរមកហើយ ។
ប្រធានាធិបតីអ៊ុយក្រែន វ៉ូឡូឌីមៀរ ហ្សលេនស្គី បានគាំទ្រការអះអាងនៃការវាយលុកដ៏ជោគជ័យមួយក្នុងអំឡុងពេលសុន្ទរកថាថ្នាក់ជាតិរបស់គាត់កាលពីថ្ងៃសៅរ៍ដោយនិយាយថាកងកម្លាំងអ៊ុយក្រែនកំពុងឈានម្ដង”មួយជំហានៗ” ចូលទៅក្នុងទីក្រុងKherson ត្រូវបានកាន់កាប់ដោយកងទ័ពរុស្ស៊ីនៅថ្ងៃទី 3 ខែមីនា ដែលជាទីក្រុងដ៏សំខាន់ដំបូងគេរបស់អ៊ុយក្រែនដែលត្រូវបានកាន់កាប់ដោយកងកម្លាំងរុស្ស៊ីចាប់តាំងពីសង្រ្គាមថ្ងៃទី 24 ខែកុម្ភៈ ។
