សហព័ន្ធកីឡាបាល់ទាត់របស់ប្រទេសអ៊ីរ៉ង់និយាយថា ខ្លួនបានដាក់ពាក្យបណ្តឹងទៅ FIFA ជុំវិញការដកពាក្យ “Allah” ចេញពីទង់ជាតិរបស់សាធារណរដ្ឋអ៊ីស្លាមនៅលើការបង្ហោះតាមប្រព័ន្ធផ្សព្វផ្សាយសង្គមដោយសមភាគី អាម៉េរិក នៅមុនការប្រកួតបាល់ទាត់ពិភពលោកនាពេលខាងមុខរវាងប្រទេសទាំងពីរ ។
ទីភ្នាក់ងារសារព័ត៌មានរដ្ឋ IRNA បានរាយការណ៍កាលពីថ្ងៃអាទិត្យថា “នៅក្នុងទង្វើដែលគ្មានវិជ្ជាជីវៈ ទំព័រ Instagram របស់សហព័ន្ធបាល់ទាត់អាម៉េរិកបានដកនិមិត្តសញ្ញាព្រះអាឡស់ចេញពីទង់ជាតិអ៊ីរ៉ង់” ។
សហព័ន្ធកីឡាបាល់ទាត់អ៊ីរ៉ង់បានផ្ញើអ៊ីមែលទៅ FIFA ដើម្បីទាមទារឱ្យសហព័ន្ធនេះចេញការព្រមានធ្ងន់ធ្ងរដល់សហព័ន្ធអាម៉េរិក ។
មិនមានការឆ្លើយតបជាសាធារណៈភ្លាមៗពីស្ថាប័នគ្រប់គ្រងកីឡាបាល់ទាត់ពិភពលោកចំពោះពាក្យបណ្តឹងដែលបានរាយការណ៍នោះទេ ដែលបានកើតឡើងនៅពេលដែលសហរដ្ឋអាម៉េរិកប្រកួតទល់ជាមួយនឹងអ៊ីរ៉ង់ក្នុងការប្រកួត World Cup នៅថ្ងៃអង្គារនេះ ដែលជាការប្រកួតដែលតានតឹងរួចទៅហើយដោយភាពជាសត្រូវរាប់ទសវត្សរ៍រវាងប្រទេសទាំង២ ។
សហរដ្ឋអាម៉េរិក និងអ៊ីរ៉ង់បានកាត់ផ្តាច់ទំនាក់ទំនងការទូតនៅឆ្នាំ 1980 ។
ប្រភព ៖
Al Jazeera