ថ្ងៃនេះ (25/07/2022) យោងទៅតាមកិច្ចសម្ភាសរបស់លោក Niwatchai Kasemmongkol អគ្គលេខាធិការអង្គភាពប្រឆាំងអំពើពុករលួយរបស់ប្រទេសថៃ ដែលបាននិយាយដល់រឿងដែលកំពុងផ្ទុះល្បីពាសពេញបណ្ដាញទំនាក់ទំនងសង្គម Line គឺរឿងបែកធ្លាយឃ្លីបវីដេអូដែលមានឈ្មោះអ្នកនយោបាយបក្សរួមរដ្ឋាភិបាលបក្សតូចមួយចំនួនទទួលបានកម្រៃក្នុងម្នាក់ 100000បាតក្នុងមួយខែ ។
ដោយមានករណីចែកចាយបន្តនូវវីដេអូឃ្លីបអំពីការវេរប្រាក់ពីម្នាក់ទៅម្នាក់ ដោយឡែកពេលនេះអង្គភាពប្រឆាំងអំពើពុករលួយរបស់ប្រទេសថៃបានធ្វើការស្រាវជ្រាវស៊ើបអង្កេតក្នុងករណីនេះ ដើម្បីធ្វើការប្រមូលនូវទិន្នន័យដែលបានកើតឡើងនេះ ហើយប្រសិនបើជារកឃើញថាវាជាការពិតមែននោះ អង្គភាពប្រឆាំងអំពើពុករលួយនឹងដំណើរការទៅតាមច្បាប់ ។
លោកបានបញ្ជាក់ថា យោងទៅតាមច្បាប់របស់អង្គភាពប្រឆាំងអំពើពុករលួយ មិនថាតែតំណាងរាស្រ្ដ ឬមន្ត្រីរាជការទាំងអស់មិនអាចទទួលបានផលប្រយោជន៍លើសពី 3000បាតឡើយ ហើយប្រសិនបើប្រព្រឹត្តផ្ទុយនោះ ក្នុងច្បាប់អង្គភាពប្រឆាំងអំពើពុករលួយមានមាត្រាទី 128 បានចែងអំពីការដាក់ទោសទណ្ឌឲ្យជាប់ពន្ធធនាគារមិនលើសពី 3ឆ្នាំ ឬពិន័យជាប្រាក់មិនលើសពី 60000បាត ឬអាចនឹងត្រូវបានពិន័យជាប្រាក់ផង និងជាប់ពន្ធធនាគារផង ។
លោកបានបន្តថា ប្រសិនបើត្រូវបានរកឃើញថា ជាការទទួលសំណូកដើម្បីដោះដូរនឹងការបោះឆ្នោតស្រង់មតិនៅក្នុងរដ្ឋសភា នោះគឺជាទង្វើផ្ទុយទៅនឹងច្បាប់មន្ត្រីរាជការមាត្រាទី 149នៃរដ្ឋធម្មនុញ្ញ នឹងត្រូវជាប់ពន្ធធនាគារចាប់ពី 05-20ឆ្នាំ ឬអាចជាប់ពន្ធធនាគារអស់មួយជីវិត និងពិន័យជាប្រាក់ចាប់ពី 100000-400000បាត ឬឈានដល់ទោសប្រហារជីវិតតែម្ដង ។
ប្រភព ៖ ข่าวสด
