ឯកអគ្គរដ្ឋទូតទីក្រុងម៉ានីលប្រចាំទីក្រុងវ៉ាស៊ីនតោនបាននិយាយកាលពីថ្ងៃចន្ទថា ប្រទេសហ្វីលីពីនកំពុងស្វែងរកទិញឧទ្ធម្ភាគចក្រ Chinook ពីសហរដ្ឋអាម៉េរិក បន្ទាប់ពីបានលុបចោលកិច្ចព្រមព្រៀងជាមួយប្រទេសរុស្ស៊ីដែលមានតម្លៃ 12.7 ពាន់លានប៉េសូ (227.35 លានដុល្លារ) ដើម្បីជៀសវាងការដាក់ទណ្ឌកម្ម ។
កាលពីខែមិថុនា ប៉ុន្មានថ្ងៃមុនប្រធានាធិបតី Rodrigo Duterte បញ្ចប់អាណត្តិរយៈពេលប្រាំមួយឆ្នាំ ហ្វីលីពីនបានលុបចោលកិច្ចព្រមព្រៀងទិញឧទ្ធម្ភាគចក្រដឹកជញ្ជូនយោធារុស្ស៊ី Mi-17 ចំនួន 16 គ្រឿង ដោយសារបារម្ភពីការដាក់ទណ្ឌកម្មរបស់សហរដ្ឋអាម៉េរិកពាក់ព័ន្ធនឹងការឈ្លានពានរបស់រុស្ស៊ីលើអ៊ុយក្រែន ។