បន្ទាប់ពីប្រទេសរុស្ស៊ីបើកការវាយប្រហារទៅលើប្រទេសអ៊ុយក្រែនរួចមក មានប្រទេសជាច្រើននៅជុំវិញពិភពលោក ជាពិសេសគឺសហភាពអឺរ៉ុប និងអាម៉េរិក បាននាំគ្នាដាក់ចេញនូវវិធានការដាក់ទណ្ឌកម្មលើ រុស្ស៊ីយ៉ាងធ្ងន់ធ្ងរ ធ្វើឲ្យតម្លៃនៃរូបិយប័ណ្ណរបស់ខ្លួនមានការធ្លាក់ថ្លៃយ៉ាងគំហុក ។ ដោយឡែកក្នុងរយៈពេលមិនប៉ុន្មានសប្ដាហ៍ក្រោយមកតម្លៃរបស់រូបិយប័ណ្ណរូបលរបស់រុស្ស៊ី ហាក់បានត្រឡប់មកដូចដើមវិញ គឺតម្លៃស្មើនឹងមុនពេលបើការវាយប្រហារទៅលើអ៊ុយក្រែន ហើយថែមទាំងបន្តឡើងថ្លៃជាហូរហែបន្ថែមទៀត ស្របពេលដែលរូបិយប័ណ្ណរបស់ប្រទេសដទៃៗទៀតហាក់មានការធ្លាក់ចុះជាបន្តបន្ទាប់ ។ តើប្រទេសរុស្ស៊ីធ្វើដូចម្ដេចដើម្បីឲ្យតម្លៃរូបិយប័ណ្ណរបស់ខ្លួនមានការឡើងថ្លៃស្របពេលដែលខ្លួនត្រូវបានគេដាក់ទណ្ឌកម្មជុំទិសនោះ? ដូចនេះរុស្ស៊ីត្រូវ៖
-ការរក្សានូវបរិមាណប្រាក់រូបលនៅក្នុងប្រទេស (ដោយធនាគារកណ្ដាលរបស់រុស្ស៊ី បានបង្កើនការប្រាក់ ពី9% ទៅជា 20% ដើម្បីធ្វើឲ្យប្រជាជនរុស្ស៊ីរក្សានូវរូបិយប័ណ្ណរូបលរបស់ខ្លួនទុក)
-ហាមប្រាមមិនឲ្យបរទេសលក់ភាគហ៊ុនក្នុងផ្សារភាគហ៊ុនក្នុងប្រទេសរុស្ស៊ី
-កំណត់ឲ្យមានការផ្ទេរប្រាក់ចេញទៅបរទេសមិនលើសពី10000ដុល្លារអាម៉េរិក ដោយសារតែវិធានការទាំងនេះហើយ បានជួយឲ្យតម្លៃនៃរូបិយប័ណ្ណរូបលរបស់រុស្ស៊ីមិនអាចធ្លាក់ថ្លៃទៅបាន ។
ប្រភព ៖
Blockdit
