ទីក្រុងវ៉ាស៊ីនតោនបានបង្ហាញពីការត្រៀមខ្លួនរបស់ខ្លួនក្នុងការចរចាលើ “កិច្ចព្រមព្រៀងគ្រប់គ្រងអាវុធនុយក្លេអ៊ែរថ្មី” ជាមួយរុស្ស៊ី ដើម្បីជំនួសសន្ធិសញ្ញា New STARTឬសន្ធិសញ្ញាកាត់បន្ថយអាវុធនុយក្លេអ៊ែរជាយុទ្ធសាស្ត្រដែលនឹងផុតកំណត់នៅឆ្នាំ2026 ។ ប្រធានាធិបតីអាម៉េរិកលោក ចូ បៃដិន បានធ្វើការកត់សម្គាល់នេះកាលពីថ្ងៃចន្ទនៅក្នុងសេចក្តីថ្លែងការណ៍មួយមុនពេលសន្និសីទពិនិត្យសន្ធិសញ្ញាមិនរីកសាយភាយអាវុធនុយក្លេអ៊ែរ (NPT) លើកទីដប់ នេះបើតាមការចុះផ្សាយដោយសារព័ត៌មានរដ្ឋរុស្ស៊ី TASS ។
លោក បៃដិន បាននិយាយថា “ថ្ងៃនេះ រដ្ឋបាលរបស់ខ្ញុំបានត្រៀមខ្លួនរួចជាស្រេចក្នុងការចរចាជាបន្ទាន់នូវក្របខ័ណ្ឌគ្រប់គ្រងអាវុធថ្មី ដើម្បីជំនួសសន្ធិសញ្ញា New START ដែលវានឹងផុតកំណត់នៅឆ្នាំ 2026 ។ ប៉ុន្តែការចរចាទាមទារឱ្យមានដៃគូដែលមានឆន្ទៈក្នុងការប្រតិបត្តិការដោយស្មោះត្រង់” ។
ប្រធានាធិបតីអាម៉េរិក លោក ចូ បៃដិន ក៏បាននិយាយផងដែរថា ប្រទេសចិនក៏គួរតែចូលរួមក្នុងការចរចាលើសន្ធិសញ្ញាគ្រប់គ្រងអាវុធនុយក្លេអ៊ែរថ្មីផងដែរ ។