សមាជិកសភាអាម៉េរិកចំនួន ១១ រូបកាលពីថ្ងៃព្រហស្បតិ៍បានស្នើឱ្យរដ្ឋបាលលោក បៃដិន ស៊ើបអង្កេត ហើយនិងអាចឈានដល់ការដាក់ទណ្ឌកម្មក្រុមហ៊ុនផលិតយន្តហោះគ្មានមនុស្សបើករបស់ចិន Autel Robotics ដោយលើកឡើងពីកង្វល់សន្តិសុខជាតិ។
លិខិតដែលចុះហត្ថលេខាដោយប្រធានគណៈកម្មាធិការប្រកួតប្រជែងជាយុទ្ធសាស្ត្ររវាងសហរដ្ឋអាម៉េរិក និងបក្សកុម្មុយនិស្តចិនលោក Mike Gallagher មកពីគណបក្សសាធារណរដ្ឋ និងលោក Raja Krishnamoorthi បានសុំឱ្យនាយកដ្ឋានពាណិជ្ជកម្ម ការពារជាតិ និងរតនាគារស៊ើបអង្កេតក្រុមហ៊ុន Autel Robotics ដែលក្រុមហ៊ុនមេគឺ Autel Intelligent Technology ។
ក្នុងលិខិតសមាជិកសភាអាម៉េរិកនិយាយថា Autel Robotics មានទំនាក់ទំនងជាចំហជាមួយកងទ័ពរំដោះប្រជាជនចិន (PLA)” ហើយបង្កការគំរាមកំហែងដោយផ្ទាល់ដល់សន្តិសុខជាតិរបស់សហរដ្ឋអាម៉េរិក នៅពេលដែលអ្នកអនុវត្តច្បាប់ក្នុងស្រុក និងរដ្ឋ និងរដ្ឋាភិបាលក្នុងតំបន់កំពុងទិញ និងប្រតិបត្តិការយន្តហោះគ្មានមនុស្សបើករបស់ក្រុមហ៊ុន Autel ដែលអាចបង្ហាញទិន្នន័យរសើបនៅទូទាំងប្រទេស។ ”
Reuters
