លោក Elon Musk បានចោទប្រកាន់ក្រុមហ៊ុន Apple ពីការគំរាមកំហែងបិទ Twitter មិនឲ្យមាននៅកម្មវិធី App Store ដោយមិនបញ្ជាក់ប្រាប់យើងពីមូលហេតុ បន្ទាប់ពីលោកបាននិយាយថាក្រុមហ៊ុន iPhone បានបញ្ឈប់ការផ្សាយពាណិជ្ជកម្មនៅលើវេទិកាប្រព័ន្ធផ្សព្វផ្សាយសង្គម Twitter ។
នាយកប្រតិបត្តិ Twitter និង Tesla រូបនេះបាននិយាយកាលពីថ្ងៃចន្ទថា Apple កំពុងដាក់សម្ពាធលើ Twitter ជុំវិញការទាមទារការសម្របសម្រួលមាតិកា ។
លោក Elon Musk បាននិយាយថា “ក្រុមហ៊ុន Apple បានបញ្ឈប់ការផ្សាយពាណិជ្ជកម្មនៅលើ Twitter ។ តើពួកគេស្អប់ការនិយាយដោយសេរីនៅអាម៉េរិកឬ?»។ ក្រោយមកគាត់បានសួរនាយកប្រតិបត្តិ Apple លោក Tim Cook នៅក្នុង tweet មួយទៀតដោយសួរថា “តើមានអ្វីកើតឡើងនៅទីនេះ?”
Apple មិនបានឆ្លើយតបភ្លាមៗចំពោះសំណើសុំការអត្ថាធិប្បាយទេ ។
ប្រភព ៖
Al Jazeera
