នៅពេលដែលសង្រ្គាមរបស់រុស្ស៊ីលើអ៊ុយក្រែនឈានដល់រយៈពេលប្រាំខែពេញក្នុងថ្ងៃនេះ ប្រធានាធិបតី ហ្សេលេនស្គី បាននិយាយថា លោកមានទំនុកចិត្តថា ប្រទេសរបស់លោកនឹងឈ្នះសង្រ្គាមប្រឆាំងនឹងពួកឈ្លានពាន ។
លោក ហ្សេលេនស្គី បាននិយាយនៅលើ Telegram ថា “សង្រ្គាមនេះមិនបានធ្វើឱ្យអ៊ុយក្រែនបែកបាក់គ្នាទេ ហើយអ៊ុយក្រែនក៏នឹងមិនបែកបាក់គ្នាដែរ ” ។
“យើងនឹងមិនចុះចាញ់ឡើយ ។ យើងនឹងការពារអ្វីដែលជារបស់យើង។ យើងនឹងទទួលជ័យជម្នះ!” លោកបន្តដោយបន្ថែមថា ជីវិតរបស់លោកនឹងនៅតែបន្តក្នុងប្រទេសរបស់លោក ទោះបីមានការប្រយុទ្ធគ្នាក៏ដោយ។
លោក ហ្សេលេនស្គី ក៏មិនភ្លេចអំពាវនាវម្តងហើយម្ដងទៀតឱ្យសហរដ្ឋអាម៉េរិក និងប្រទេសសមាជិកណាតូផ្សេងទៀត ផ្គត់ផ្គង់អាវុធធុនធ្ងន់ ដើម្បីបញ្ឈប់ការរុលទៅមុខរបស់រុស្ស៊ី និងដណ្ដើមយកទឹកដីដែលបាត់បង់ត្រឡប់មកវិញ ។
ប្រភព ៖ Al Jazeera