អភិបាលតំបន់បាននិយាយថា មីស៊ីលរបស់រុស្ស៊ី២គ្រាប់បានធ្លាក់ចូលទៅក្នុងមជ្ឈមណ្ឌលលក់ទំនិញដែលមានមនុស្សជាច្រើននៅកណ្តាលក្រុង Kremenchuk របស់អ៊ុយក្រែនកាលពីថ្ងៃចន្ទ ដោយបានសម្លាប់មនុស្សយ៉ាងតិច ១៦ នាក់ និងរបួស ៥៩ នាក់។
ប្រធានាធិបតី វ៉ូឡូឌីមៀរ ហ្សេលេនស្គី បាននិយាយថា មានមនុស្សជាង ១,០០០ នាក់នៅក្នុងមជ្ឈមណ្ឌលផ្សារទំនើបនៅក្នុងពេលការវាយប្រហារនេះ ដែលសាក្សីបាននិយាយថា បណ្តាលឱ្យមានភ្លើងឆេះយ៉ាងខ្លាំង និងបានបញ្ចេញផ្សែងខ្មៅដែលហុយឡើងលើមេឃ ។ ក្រុមអ្នកពន្លត់អគ្គីភ័យ និងទាហានកំពុងទាញបំណែកដែកដែលរលំចេញ ខណៈដែលពួកគេស្វែងរកអ្នកនៅរស់រានមានជីវិត ។
លោក ហ្សេលេនស្គី បានសរសេរនៅលើ Telegram ថា “វាមិនអាចទៅរួចទេក្នុងការស្រមៃមើលពីចំនួនជនរងគ្រោះ … វាគ្មានប្រយោជន៍ទេក្នុងការសង្ឃឹមថាទទួលបានភាពគួរសម និងការគោរពមនុស្សជាតិពីប្រទេសរុស្ស៊ី” ។
លោក Dmytro Lunin អភិបាលនៃតំបន់ Poltava ភាគកណ្តាល បានសរសេរនៅលើ Telegram ថា មនុស្ស 13 នាក់ត្រូវបានបញ្ជាក់ថាស្លាប់ដោយសារការវាយប្រហារដោយបន្ថែមថា វាឆាប់ពេកក្នុងការនិយាយអំពីចំនួនអ្នកស្លាប់ចុងក្រោយ ខណៈដែលក្រុមអ្នកជួយសង្គ្រោះបន្តរុករកនៅតាមគំនរបាក់បែក ។
ប្រភព ៖ Reuters