ក្រសួងការពារជាតិរុស្ស៊ីនៅថ្ងៃពុធនេះបានស្តីបន្ទោសការប្រើប្រាស់ទូរស័ព្ទដៃដោយខុសច្បាប់ដោយទាហានរបស់ខ្លួន ទើបបណ្ដាលឲ្យមានការវាយប្រហារដោយមីស៊ីលរបស់អ៊ុយក្រែនដែលបាននិយាយថា បានសម្លាប់ទាហានចំនួន 89 នាក់ ដែលបង្កើនចំនួនអ្នកស្លាប់ដែលត្រូវបានរាយការណ៍យ៉ាងខ្លាំង ។
ទីក្រុងម៉ូស្គូធ្លាប់បាននិយាយថា ទាហានរុស្ស៊ី 63 នាក់ត្រូវបានសម្លាប់ក្នុងការវាយប្រហារចុងសប្តាហ៍ ។ ប្រតិកម្មរបស់ក្រសួងនេះបានកើតឡើងចំពេលមានកំហឹងកាន់តែខ្លាំងឡើងក្នុងចំណោមអ្នកអត្ថាធិប្បាយរុស្ស៊ីមួយចំនួន ដែលកំពុងបញ្ចេញសំឡេងកាន់តែខ្លាំងអំពីអ្វីដែលពួកគេមើលឃើញថាជាយុទ្ធនាការដ៏ល្ងីល្ងើនៅក្នុងប្រទេសអ៊ុយក្រែន ។
កំហឹងភាគច្រើននៅលើប្រព័ន្ធផ្សព្វផ្សាយសង្គមគឺសំដៅទៅលើមេបញ្ជាការយោធាជាជាងប្រធានាធិបតីរុស្ស៊ីលោក វ្ល៉ាឌីមៀរ ពូទីន ដែលមិនបានអត្ថាធិប្បាយជាសាធារណៈលើការវាយប្រហារដ៏ធំបំផុតមួយនេះ ។
ក្រសួងការពារជាតិរុស្ស៊ីបាននិយាយថា មីស៊ីលរបស់អ៊ុយក្រែនចំនួនបួនគ្រាប់បានវាយប្រហារបន្ទាយរុស្ស៊ីបណ្តោះអាសន្ននៅក្នុងមហាវិទ្យាល័យវិជ្ជាជីវៈមួយក្នុងទីក្រុង Makiivka ទីក្រុងភ្លោះនៃរដ្ឋធានីក្នុងតំបន់ដែលកាន់កាប់ដោយរុស្ស៊ីគឺ Donetsk នៅភាគខាងកើតអ៊ុយក្រែន ។
ប្រភព ៖ Reuters
Translate by VISAL