វិមានក្រឹមឡាំងនៅថ្ងៃចន្ទនេះបានច្រានចោលការចោទប្រកាន់ដែលថាកងកម្លាំងរុស្ស៊ីបានប្រព្រឹត្តឧក្រិដ្ឋកម្មសង្គ្រាមនៅក្នុងខេត្តខាគីវរបស់អ៊ុយក្រែនថា ជាការកុហក ។ នេះបើយោងតាមការចេញផ្សាយដោយសារព័ត៌មាន Reuters ។
សាកសពប្រហែល 450 ដែលភាគច្រើនដែលអ៊ុយក្រែននិយាយថាជាជនស៊ីវិល ត្រូវបានគេរកឃើញនៅក្នុងផ្នូរដ៏ធំនៅជិត Izium បន្ទាប់ពីទាហានរុស្ស៊ីត្រូវបានបង្ខំឲ្យចាកចេញពីតំបន់ Kharkiv ដែលភាគច្រើនពួកគេបានគ្រប់គ្រងចាប់តាំងពីសប្តាហ៍ដំបូងនៃយុទ្ធនាការយោធារបស់ពួកគេនៅអ៊ុយក្រែន។
ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី បាននិយាយថា ក្រុមអ្នកស៊ើបអង្កេតនៅកន្លែងនោះបានរកឃើញភស្តុតាងនៃការធ្វើទារុណកម្ម រួមទាំងសាកសពដោយចងដៃ ហើយបានចោទប្រកាន់កងទ័ពរុស្ស៊ីថាបានប្រព្រឹត្តឧក្រិដ្ឋកម្មសង្គ្រាម ។
នៅពេលសួរអំពីសេចក្តីថ្លែងការណ៍របស់លោក ហ្សេលេនស្គី អ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកសារព័ត៌មានថា “វាជាសេណារីយ៉ូដូចគ្នានឹង Bucha ដែរ ។ វាជាការកុហក ហើយពិតណាស់យើងនឹងការពារការពិតនៅក្នុងរឿងនេះ” ។
រុស្ស៊ីពីមុនបានច្រានចោលការអះអាងដែលថាកងទ័ពរបស់ខ្លួនបានប្រព្រឹត្តឧក្រិដ្ឋកម្មសង្គ្រាមនៅទីក្រុង Bucha នៅខាងក្រៅទីក្រុងគៀវ បន្ទាប់ពីភស្តុតាងនៃជនស៊ីវិលត្រូវបានសម្លាប់ ខណៈដែលទីក្រុងនេះត្រូវបានគ្រប់គ្រងដោយទាហានរុស្ស៊ីបានលេចចេញជារូបរាងបន្ទាប់ពីការដកទ័ពរបស់រុស្ស៊ីនៅចុងខែមីនា ។
