មេដឹកនាំកំពូលរបស់អ៊ីរ៉ង់ លោក Ayatollah Ali Khamenei បានប្រាប់ប្រធានាធិបតីរុស្ស៊ី លោក Vladimir Putin ថា ប្រសិនបើគាត់មិនបានចាប់ផ្តើមសង្រ្គាមនៅអ៊ុយក្រែនទេនោះ ណាតូដែលជា “សត្វដ៏គ្រោះថ្នាក់” នឹងធ្វើវាមុន ។
“សង្គ្រាមគឺជាបញ្ហាដ៏ហិង្សា និងពិបាក ហើយសាធារណរដ្ឋអ៊ីស្លាមមិនសប្បាយចិត្តទេដែលជនស៊ីវិលជាប់ក្នុងរឿងនេះ ប៉ុន្តែទាក់ទងនឹងអ៊ុយក្រែន ប្រសិនបើអ្នកមិនបានផ្តួចផ្តើមគំនិតទេ ភាគីម្ខាងទៀតនឹងបានផ្តួចផ្តើមគំនិត និងបង្កសង្រ្គាម” ។ លោក Khamenei ត្រូវបានគេដកស្រង់សម្តីដោយគេហទំព័ររបស់លោកបន្ទាប់ពីលោកបានជួបជាមួយលោក Putin នៅក្នុងទីក្រុង Tehran កាលពីថ្ងៃអង្គារ ។
លោកបាននិយាយបន្តថា លោកខាងលិចប្រឆាំងនឹងឯករាជ្យភាពរបស់រុស្ស៊ីខ្លាំង ដោយបន្ថែមថា “ណាតូនឹងដឹងគ្មានព្រំដែនទេ ប្រសិនបើផ្លូវបើកចំហរ ហើយប្រសិនបើសង្រ្គាមមិនត្រូវបានកើតឡើងនៅអ៊ុយក្រែនទេនោះ ណាតូនឹងចាប់ផ្តើមសង្រ្គាមដូចគ្នាដោយប្រើគ្រីមៀជាលេស ។ ”
ប្រភព ៖ Al Jazeera