មីស៊ីលដែលផលិតដោយសហរដ្ឋអាម៉េរិកបាញ់ដោយកងកម្លាំងអ៊ុយក្រែនបានធ្វើឱ្យជនស៊ីវិល 3 នាក់រងរបួសនៅភាគខាងកើតអ៊ុយក្រែនក្នុងខែកញ្ញា នេះបើយោងតាមអ្នកស្រុក និងកំម្ទេចកំទីដែលបានរកឃើញពីកន្លែងកើតហេតុ ដែលជាករណីដ៏កម្រមួយ ដែលអាវុធដែលផ្គត់ផ្គង់ដោយសហរដ្ឋអាម៉េរិកត្រូវបានផ្សារភ្ជាប់ទៅនឹងជនស៊ីវិលក្នុងជម្លោះរយៈពេលប្រាំបួនខែ។
អ្នកស្រុកបាននិយាយថា ការវាយប្រហារដោយមីស៊ីល AGM-88B ដែលត្រូវបានបាញ់ចេញពីយន្តហោះចម្បាំងប្រឆាំងនឹងគោលដៅដីដូចជារ៉ាដា និងប្រព័ន្ធការពារអាកាស បានកើតឡើងនៅថ្ងៃទី 26 ខែកញ្ញា ប្រហែលម៉ោង 6 ល្ងាចនៅក្នុងទីក្រុង Kramatorsk ភាគខាងកើតអ៊ុយក្រែន ។ ទីក្រុងឧស្សាហកម្មនៅតំបន់ Donbas របស់អ៊ុយក្រែន គឺជាទីតាំងនៃការវាយប្រហារដោយមីស៊ីល និងកាំភ្លើងធំជាបន្តបន្ទាប់ ចាប់តាំងពីរុស្ស៊ីបានឈ្លានពានក្នុងខែកុម្ភៈ ។
អ្នកនាំពាក្យក្រសួងការពារជាតិអ៊ុយក្រែនមិនបានឆ្លើយតបនឹងសំណួរអំពីការវាយប្រហារដោយមីស៊ីលនោះទេ ។
មិនមានករណីដែលបានកត់ត្រាទុកថា កងកម្លាំងអ៊ុយក្រែនមានចេតនាតម្រង់គោលដៅលើទីក្រុងនានាដែលស្ថិតនៅក្រោមការគ្រប់គ្រងរបស់រុស្ស៊ីទាំងស្រុងនោះទេ ដែលបង្ហាញថា មីស៊ីលទំនងជាបាញ់មិនចំគោលដៅ ហើយអាចនឹងដំណើរការខុសប្រក្រតី ។
ប្រភព ៖ The New York Times
