ភាគខាងកើតនៃប្រទេសចិន ជាពិសេសនៅក្នុងទីក្រុង Zhejiang និង Shanghai ប្រឈមមុខនឹងឥទ្ធិពលដ៏ធ្ងន់ធ្ងរនៃព្យុះទីហ្វុង “Mui Fa” ហើយប្រជាជនចំនួនជាង 1លាននាក់នៅក្នុងតំបន់ដែលមានហានិភ័យខ្ពស់ត្រូវបានជម្លៀសចេញ ។ នេះបើយោងតាមការចេញផ្សាយដោយសារព័ត៌មាន Reuters ។
ទីភ្នាក់ងារឧតុនិយមជាតិរបស់ប្រទេសចិនបានឱ្យដឹងថា ព្យុះទីហ្វុង Mui Fa បោកបក់នៅតំបន់អាងស្តុកទឹក Hangzhou នៅក្នុងខេត្ត zhejiang ភាគខាងកើតប្រទេស កាលពីយប់ថ្ងៃពុធ ម៉ោងក្នុងស្រុក ជាមួយនឹងល្បឿនខ្យល់អតិបរមា 42ម៉ែត្រក្នុងមួយវិនាទី ហើយនឹងបោកបក់ជាលើកទីពីរនៅយប់ដដែលនេះ នៅក្នុងតំបន់នៅជិតទីក្រុងសៀងហៃ មុនពេលវាបន្តទៅកាន់ខេត្ត Jiangsu និង Shandong ។
អាជ្ញាធរទីក្រុង Zhejiang បានបង្កើនការព្រមានអំពីអាកាសធាតុក្នុងតំបន់នេះថាជាតំបន់ “ក្រហម” ដែលជាកម្រិតខ្ពស់បំផុតដែលនឹងរងនូវឥទ្ធិពលនៃព្យុះនេះ ហើយប្រជាជនចំនួនជាង 1.14លាននាក់នៅក្នុងតំបន់នេះត្រូវបានជម្លៀសទៅកាន់កន្លែងសុវត្ថិភាព ព្រោះឥទ្ធិពលរបស់ព្យុះនេះត្រូវបានគេរំពឹងទុកថា នឹងក្លាយជាព្យុះទីហ្វុងដ៏ធ្ងន់ធ្ងរបំផុត ក្នុងរយៈពេលមួយទសវត្សរ៍ចុងក្រោយនេះ ហើយព្យុះនេះនឹងធ្វើដំណើរឆ្លងកាត់ទន្លេ Yangtze ភាគខាងកើតនៃប្រទេសចិនផងដែរ ។
