បាតុកម្មប្រឆាំងនឹងការផ្គត់ផ្គង់អ៊ុយក្រែននូវសព្វាវុធសម្រាប់ធ្វើសង្រ្គាមជាមួយរុស្ស៊ីបានទាក់ទាញមនុស្ស ១០,០០០ នាក់ចូលរួមកាលពីថ្ងៃសៅរ៍ ដោយបានទាក់ទាញការរិះគន់ពីមន្ត្រីរដ្ឋាភិបាលកំពូលរបស់អាល្លឺម៉ង់ និងវត្តមានប៉ូលិសដ៏ច្រើនដើម្បីរក្សាសណ្តាប់ធ្នាប់។
រៀបចំឡើងដោយអ្នកនយោបាយឆ្វេងនិយមអាល្លឺម៉ង់ដ៏លេចធ្លោម្នាក់ ការតវ៉ានេះបានកើតឡើងមួយថ្ងៃបន្ទាប់ពីខួបមួយឆ្នាំនៃការលុកលុយរបស់រុស្ស៊ីលើអ៊ុយក្រែន ដែលមានការសន្យានៃអាវុធបន្ថែមទៀតពីសម្ពន្ធមិត្តលោកខាងលិច ការដាក់ទណ្ឌកម្មថ្មីប្រឆាំងនឹងរុស្ស៊ី និងការបង្ហាញការគាំទ្រសម្រាប់ទីក្រុងគៀវ នៅទូទាំងពិភពលោក ។
អ្នករៀបចំការតវ៉ាបាននិយាយនៅលើគេហទំព័ររបស់ពួកគេថា យើងអំពាវនាវឱ្យអធិការបតីអាល្លឺម៉ង់បញ្ឈប់ការកើនឡើងនៃការចែកចាយសព្វាវុធដល់អ៊ុយក្រែន ។ ការតវ៉ានេះត្រូវបានគេដាក់ឈ្មោះថា ការបះបោរដើម្បីសន្តិភាពត្រូវបានរៀបចំមួយផ្នែកដោយលោកស្រី Sahra Wagenknecht សមាជិកនៃគណបក្ស Die Linke ឆ្វេងនិយមរបស់ប្រទេសអាល្លឺម៉ង់ ។ ខណៈហ្វូងមនុស្សដែលចូលរួមក្នុងការតវ៉ាបានកាន់បដាដែលសរសេរថា «មិនមែនជាសង្គ្រាមរបស់យើងទេ»។
ប្រភព ៖ Reuters
By Suon Visal
