ប្អូនស្រីដ៏មានឥទ្ធិពលរបស់មេដឹកនាំកូរ៉េខាងជើងលោក គីម ជុងអ៊ុន បានធ្វើការគំរាមកំហែងយ៉ាងធ្ងន់ធ្ងរប្រឆាំងនឹងកូរ៉េខាងត្បូងនៅថ្ងៃព្រហស្បតិ៍នេះសម្រាប់ការពិចារណាលើការដាក់ទណ្ឌកម្មដោយលើកូរ៉េខាងជើង ដោយបានហៅប្រធានាធិបតីថ្មីរបស់កូរ៉េខាងត្បូង និងរដ្ឋាភិបាលរបស់គាត់ថា “មនុស្សល្ងង់” និង “ឆ្កែព្រៃដែលកំពុងស៊ីឆ្អឹងដែលសហរដ្ឋអាម៉េរិកបោះឲ្យ” ។
ការលើកឡើងរបស់លោកស្រី Kim Yo-jong បានកើតឡើងពីរថ្ងៃបន្ទាប់ពីក្រសួងការបរទេសកូរ៉េខាងត្បូងបាននិយាយថា ខ្លួនកំពុងពិនិត្យមើលការដាក់ទណ្ឌកម្មឯកតោភាគីបន្ថែមលើកូរ៉េខាងជើង ជុំវិញការរារាំងនៃការសាកល្បងមីស៊ីលនាពេលថ្មីៗនេះ ។ ក្រសួងការបរទេសកូរ៉េខាងត្បូងបាននិយាយថា ខ្លួនក៏នឹងពិចារណាលើការដាក់ទណ្ឌកម្ម និងការគៀបសង្កត់លើការវាយប្រហារតាមអ៊ីនធឺណិតដែលត្រូវបានចោទប្រកាន់ថាបានប្រព្រឹត្តដោយកូរ៉េខាងជើង ដែលជាប្រភពថវិកាសំខាន់ថ្មីសម្រាប់កម្មវិធីអាវុធរបស់ខ្លួន ប្រសិនបើកូរ៉េខាងជើងធ្វើការញុះញង់ដ៏ធំមួយដូចជាការសាកល្បងនុយក្លេអ៊ែរ ។
លោកស្រី Kim Yo-jong បាននិយាយនៅក្នុងសេចក្តីថ្លែងការណ៍មួយ ដែលធ្វើឡើងដោយប្រព័ន្ធផ្សព្វផ្សាយរដ្ឋថា “ខ្ញុំឆ្ងល់ថាតើទណ្ឌកម្មបែបណា ដែលកូរ៉េខាងត្បូង មិនខុសពីឆ្កែព្រៃដែលកំពុងស៊ីឆ្អឹងដែលផ្តល់ដោយសហរដ្ឋអាម៉េរិកនោះ ដាក់ដោយឥតអៀនខ្មាស់លើកូរ៉េខាងជើង ។
លោកស្រីបានហៅប្រធានាធិបតីថ្មីរបស់កូរ៉េខាងត្បូងលោក Yoon Suk Yeol និងមន្ត្រីរដ្ឋបាលរបស់គាត់ថា “មនុស្សល្ងង់ដែលបន្តបង្កើតស្ថានភាពដ៏គ្រោះថ្នាក់”។ លោកស្រីបានបន្ថែមថា កូរ៉េខាងត្បូង «មិនមែនជាគោលដៅរបស់យើងទេ» នៅពេលដែលលោក Moon Jae-in ដែលជាអ្នកស្នងតំណែងសេរីនិយមរបស់លោក Yoon ដែលស្វែងរកការផ្សះផ្សាជាមួយកូរ៉េខាងជើង បានកាន់អំណាច ។
លោកស្រី គីម យ៉ូជុងបានបន្តថា “យើងព្រមានមនុស្សល្ងង់ម្តងទៀតថា ការដាក់ទណ្ឌកម្ម និងសម្ពាធដ៏អស់សង្ឃឹមរបស់សហរដ្ឋអាម៉េរិក និងឧបាយកលរបស់កូរ៉េខាងត្បូងប្រឆាំងនឹង (កូរ៉េខាងជើង) នឹងបន្ថែមសាំងដល់អំពើអរិភាព និងកំហឹងរបស់ពួកយើង ហើយវានឹងធ្វើជាអ្នករំខានដល់ពួកអ្នក” ។
ប្រភព ៖ AP
