ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី បាននិយាយនៅថ្ងៃអង្គារនេះថា លោកបានទៅទស្សនាទីក្រុងជួរមុខ Sloviansk ក្នុងតំបន់ Donetsk ភាគខាងកើតអ៊ុយក្រែន ជាកន្លែងដែលកងកម្លាំងរុស្ស៊ីបាននឹងកំពុងវាយលុកអស់រយៈពេលជាច្រើនខែ ។
លោក ហ្សេលេនស្គី បានបង្ហាញខ្លួននៅក្នុងវីដេអូមួយនៅលើប្រព័ន្ធផ្សព្វផ្សាយសង្គមដោយពាក់អាវរដូវរងា ហើយឈរក្បែរផ្លាកសញ្ញាដ៏ធំនៅក្នុងពណ៌ខៀវ និងពណ៌លឿងរបស់អ៊ុយក្រែនដែលមានឈ្មោះទីក្រុង Sloviansk និងអំពាវនាវឱ្យមានភាពស្ងៀមស្ងាត់មួយភ្លែតដើម្បីរំលឹកដល់ទាហានអ៊ុយក្រែនដែលត្រូវបានសម្លាប់។
ប្រភព ៖
AFP
