ប្រធានាធិបតីអ៊ុយក្រែនលោក វ៉ូឡូឌីមៀរ ហ្សេលេនស្គី បានប្រាប់ទូរទស្សន៍អង់គ្លេស Piers Morgan ថា អតិផរណា និងមេរោគឆ្លងគឺជារឿងបន្តិចបន្តួចប៉ុណ្ណោះ បើប្រៀបធៀបទៅនឹងការតស៊ូរបស់អ៊ុយក្រែន ហើយប្រជាជនអាម៉េរិកគួរតែគាំទ្រជំនួយសម្រាប់ផ្ដល់ដល់ទីក្រុងគៀវ “រហូតដល់យើងឈ្នះ” ។
នៅពេលដែលសហរដ្ឋអាម៉េរិកកំពុងប្រឈមមុខនឹងអត្រាអតិផរណាខ្ពស់រយៈពេល 40 ឆ្នាំ និងតម្លៃឧស្ម័នកត់ត្រា ការស្ទង់មតិជាច្រើនបានចាត់ទុកការព្រួយបារម្ភខាងសេដ្ឋកិច្ចទាំងនេះថា ជាសម្ពាធខ្លាំងក្នុងចំណោមប្រជាជនអាម៉េរិកជាងជម្លោះនៅអ៊ុយក្រែន ។
ថ្លែងទៅកាន់ Morgan ក្នុងបទសម្ភាសន៍តាមទូរទស្សន៍ដែលបានថតនាពេលថ្មីៗនេះ លោក ហ្សេលេនស្គី បានរំលឹកប្រជាជនអាម៉េរិកដែលធុញទ្រាន់នឹងលំហូរនៃជំនួយទៅអ៊ុយក្រែន ដែលមានតម្លៃច្រើនជាង 56 ពាន់លានដុល្លារចាប់តាំងពីខែកុម្ភៈ ហើយ ថាប្រទេសទាំងពីរកំពុង “ប្រយុទ្ធដើម្បីតម្លៃនៃតំបន់យ៉ាងពិតប្រាកដ” ។
លោក ហ្សេលេនស្គី ក៏បាននិយាយផងដែរថា អ្វីដែលគួរឱ្យខ្លាចបំផុតអំពីលោក វ្ល៉ាឌីមៀរ ពូទីន គឺ “គាត់ពិតជាមានប្រាជ្ញា ហើយគាត់យល់ពីអ្វីដែលគាត់កំពុងធ្វើ ។ គាត់ដឹងថាគាត់សម្លាប់មនុស្សប៉ុន្មាននាក់ គាត់ដឹងថាមានមនុស្សប៉ុន្មាននាក់ត្រូវបានរំលោភបំពាន់”។
នៅពេលត្រូវបានគេសួរថាតើសហរដ្ឋអាម៉េរិកអាចធ្វើអ្វីបន្ថែមទៀតដើម្បីជួយអ៊ុយក្រែននោះលោក ហ្សេលេនស្គីបានឆ្លើយថា៖ ជំនួយប៉ុននឹងមិនគ្រប់គ្រាន់រហូតដល់សង្គ្រាមបានបញ្ចប់ហើយ អាម៉េរិកគួរតែជួយរហូតដល់យើងឈ្នះ»។
ប្រភព ៖ Newsweek