ប្រធានាធិបតីបារាំងលោក ម៉ាក្រុង បានធ្វើការអំពាវនាវដល់ពលរដ្ឋបារាំងចេះអំពីវិធីសាស្រ្ដក្នុងការឆ្លើយតបទៅនឹងតម្លៃថាមពលដែលនឹងហក់ឡើងថ្លៃខ្ពស់ បន្ទាប់ពីខ្លួន កាត់បន្ថយការពឹងពាក់លើឧស្ម័នធម្មជាតិរបស់រុស្ស៊ី ។ លោក ម៉ាក្រុង បានថ្លែងតាមរយៈទូរស័ព្ទជាមួយ នឹងពលរដ្ឋរបស់ខ្លួននៅក្នុងថ្ងៃប្រកាសឯករាជ្យរបស់ប្រទេសបារាំង 14/07/2022 ថា “ពលរដ្ឋបារាំងត្រូវចេះនូវវិធីសាស្រ្ដក្នុងការសម្របខ្លួនសម្រាប់ករណីដែលពុំមានខ្សែសង្វាក់ផ្គត់ផ្គង់ពីទីក្រុងម៉ូស្គូ” ។ លោក ម៉ាក្រុងបានអង្វរករដល់ វិស័យជំនួញ ស្ថាប័នរដ្ឋ និងនៅតាមផ្ទះសម្បែងនីមួយៗ ជួយគ្នាសន្សំសំចៃថាមពលឲ្យបានកាន់តែច្រើន ក្នុងបរិបទដែលរុស្ស៊ីអាចនឹងកាត់បន្ថយឧស្ម័នធម្មជាតិ កាត់ផ្ដាច់ប្រេង រួមទាំងកត្តាដែលវិបត្តិអ៊ុយក្រែននៅកំពុងបន្តនៅឡើយផងនោះ “រុស្ស៊ីចាប់ផ្ដើមកាត់បន្ថយការបញ្ជូនឧស្ម័នធម្មជាតិ ពួកគេកំពុងផ្ដល់សារមកថា ពួកគេយកបញ្ហាថាមពលមកធ្វើជាអាវុធ” ជនជាតិបារាំងទាំងអស់ត្រូវត្រៀមខ្លួនឲ្យបានរួចរាល់ ដើម្បីសម្របខ្លួនឲ្យបានទៅតាមស្ថានភាពមួយដែលយើងត្រូវចេះមើលថែខ្លួនឯងនៅពេលដែលគ្មានឧស្ម័នធម្មជាតិរបស់រុស្ស៊ី ។
ប្រភព ៖ ABC News
