សមាជិកសហភាពអឺរ៉ុបដូចជា ឡាតវី លីទុយអានី និងអេស្តូនី ដែលជាប់ព្រំដែនជាមួយរុស្ស៊ី នឹងមិនផ្តល់កន្លែងជ្រកកោនខ្លួនដល់ជនជាតិរុស្ស៊ីណាម្នាក់ ដែលភៀសខ្លួនចេញពីការកេណ្ឌទ័ពរបស់ទីក្រុងម៉ូស្គូ នេះបើតាមរដ្ឋមន្ត្រីរបស់ពួកគេបាននិយាយកាលពីថ្ងៃពុធ ។
រដ្ឋមន្ត្រីការបរទេសឡាតវីលោក Edgars Rinkevics បានលើកឡើងពីកង្វល់សន្តិសុខចំពោះការបដិសេធនេះ។ ក្រសួងមហាផ្ទៃលីទុយអានី បាននិយាយថា ករណីសិទ្ធិជ្រកកោននីមួយៗ នឹងមានទម្ងន់ដាច់ដោយឡែកពីគ្នា ។
ប្រទេសទាំងបី និងប៉ូឡូញ បានចាប់ផ្តើមបណ្តេញពលរដ្ឋរុស្ស៊ីចេញពីព្រំដែនរបស់ពួកគេនៅពាក់កណ្តាលអធ្រាត្រថ្ងៃចន្ទ ដោយនិយាយថា ពួកគេមិនគួរធ្វើដំណើរមកទីនេះទេ ខណៈពេលដែលប្រទេសរបស់ពួកគេកំពុងមានសង្រ្គាមជាមួយអ៊ុយក្រែន។
ការហាមប្រាមមិនរាប់បញ្ចូលអ្នកប្រឆាំងរុស្ស៊ីដែលកំពុងស្វែងរកការជ្រកកោននៅក្នុងសហភាពអឺរ៉ុប រួមជាមួយនឹងអ្នកបើកបរឡានដឹកទំនិញ ជនភៀសខ្លួន និងអ្នករស់នៅអចិន្ត្រៃយ៍នៃប្រទេសសហភាពអឺរ៉ុប ក៏ដូចជាអ្នកដែលមកលេងសមាជិកគ្រួសារជិតស្និទ្ធផងដែរ ។
ប្រភព ៖ Reuters
