ពិព័រណ៍ការពារជាតិអន្តរជាតិវៀតណាមឆ្នាំ 2022 នឹងចាប់ផ្តើមនៅខែក្រោយដោយមានការចូលរួមពីប្រទេសចំនួន 29 រួមទាំងសហរដ្ឋអាម៉េរិក និងរុស្ស៊ីផងដែរ ។
ថ្លែងក្នុងព្រឹត្តិការណ៍មួយដើម្បីប្រកាសពិព័រណ៌នៅទីក្រុងហាណូយកាលពីថ្ងៃព្រហស្បតិ៍ ឧត្តមសេនីយ៍ឯក Nguyen Viet Hung អគ្គស្នងការរងនយោបាយនៃអគ្គនាយកដ្ឋានឧស្សាហកម្មការពារជាតិបានមានប្រសាសន៍ថា ក្រុមហ៊ុនការពារជាតិនិងអន្តរជាតិនឹងបង្ហាញរថយន្តប្រយុទ្ធ បច្ចេកវិទ្យា សព្វាវុធ និងឧបករណ៍សម្រាប់កងទ័ពជើងទឹក កម្លាំងជើងគោក កម្លាំងទ័ពអាកាស ក៏ដូចជាកងកម្លាំងប្រយុទ្ធតាមអ៊ីនធឺណិត ។
ក្នុងនាមជាប្រទេសម្ចាស់ផ្ទះ វៀតណាមនឹងផ្តោតលើបច្ចេកវិទ្យា និងផលិតផលដែលមានសិល្បៈការពារជាតិ និងសង្គ្រាមប្រជាជន រួមទាំងកាំភ្លើង និងគ្រាប់រំសេវសម្រាប់កងទ័ព កាំភ្លើងធំ ទ័ពអាកាស និងកងទ័ពជើងទឹក ផលិតផលជាតិផ្ទុះគីមី ឧបករណ៍បំផ្ទុះ អាវុធអុបទិក យោធា នាវាជំនួយ គ្រឿងសឹក ឧបករណ៍សម្រាប់យុទ្ធសាស្ត្របង្វែរ ប្រព័ន្ធទំនាក់ទំនង ស្ថានីយ៍រ៉ាដា និងប្រព័ន្ធសង្គ្រាមអេឡិចត្រូនិក ។
បច្ចេកវិជ្ជាថ្មីនៅក្នុងប្រព័ន្ធគ្រប់គ្រង ការហ្វឹកហាត់ក្លែងធ្វើ ឧបករណ៍អុបតូអេឡិចត្រូនិច យន្តហោះអវកាសគ្មានមនុស្សបើក (UAV) ប្រព័ន្ធសង្គ្រាមតាមអ៊ីនធឺណិត និងបច្ចេកវិទ្យាព័ត៌មាន អាវុធ និងឧបករណ៍ បច្ចេកវិទ្យាជំនួយ បច្ចេកវិទ្យាល្បាត ការគ្រប់គ្រងសន្តិសុខ ក៏ដូចជាការការពារ និងការប្រយុទ្ធនឹងភ្លើងផងដែរ នឹងដាក់បង្ហាញនៅក្នុងពិព័រណ៍នេះ ។
ចាប់ពីថ្ងៃទី 8 ដល់ថ្ងៃទី 10 ខែធ្នូ នៅអាកាសយានដ្ឋាន Gia Lam ទីក្រុងហាណូយ ពិព័រណ៍នេះគឺជាឱកាសមួយដើម្បីធ្វើពិពិធកម្មបណ្តាញកិច្ចសហប្រតិបត្តិការលើលទ្ធកម្ម និងផ្ទេរបច្ចេកវិទ្យា ដើម្បីបម្រើដល់ការផលិតឧបករណ៍បច្ចេកទេស បរិក្ខារដឹកជញ្ជូនសព្វាវុធ បំពេញតម្រូវការបច្ចុប្បន្នរបស់កងកម្លាំងប្រដាប់អាវុធវៀតណាម។
លោកបាននិយាយបន្តថា នេះក៏ជាឱកាសសម្រាប់វៀតណាមដើម្បីស្វែងយល់អំពីនិន្នាការអភិវឌ្ឍន៍ឧបករណ៍បច្ចេកទេសក្នុងពិភពលោក ដើម្បីស្វែងរកឱកាសនាំចេញឧបករណ៍យោធា ។
រហូតមកដល់ពេលនេះ អង្គភាព និងក្រុមហ៊ុនចំនួន 170 រួមទាំងក្រុមហ៊ុននៅក្នុងប្រទេសវៀតណាម និងក្រុមហ៊ុនមកពី 29 ប្រទេសនៅអាស៊ី អឺរ៉ុប និងអាមេរិក រួមទាំងសហរដ្ឋអាម៉េរិក រុស្ស៊ី បារាំង និងអាល្លឺម៉ង់ បានចុះឈ្មោះចូលរួមការតាំងពិព័រណ៌ចូលទស្សនាដោយសេរី ។
ប្រភព ៖ VNExpress
