រោងចក្រជាច្រើនត្រូវបានបង្ខំឱ្យបិទ ហើយគ្រួសារប្រឈមមុខនឹងការកាត់ផ្ដាច់អគ្គិសនីរហូតដល់ 3 ម៉ោង ដោយសារសីតុណ្ហភាពដ៏ក្តៅនៅទូទាំងខេត្តស៊ីឈួន បានកើនលើស 40 អង្សាសេ ដែលបណ្តាលឱ្យមានតម្រូវការម៉ាស៊ីនត្រជាក់យ៉ាងច្រើន នេះបើយោងតាមប្រព័ន្ធផ្សព្វផ្សាយអនឡាញ The Paper ដែលមានមូលដ្ឋាននៅទីក្រុងសៀងហៃ ។
ក្រុមហ៊ុន Dazhou Electric Power Group បានព្រមានថា ការកាត់ផ្ដាច់អគ្គិសនីអាចត្រូវបានពង្រីកប្រសិនបើចាំបាច់ ដោយសារតែ “បន្ទុកនៅលើខ្សែគឺច្រើនពេក” ដោយបង្ខំឱ្យប្រតិបត្តិការផលិតកម្មនៅក្រុមហ៊ុន Toyota និងក្រុមហ៊ុនផ្សេងទៀតត្រូវផ្អាក ខណៈដែលអាជ្ញាធរកំពុងព្យាយាមផ្គត់ផ្គង់តម្រូវការក្នុងស្រុក ។
ទីក្រុងចំនួន 19 ក្នុងចំណោមទីក្រុងទាំង 21 ក្នុងខេត្តនេះ ដែលផលិតបានពាក់កណ្តាលនៃលីចូមរបស់ប្រទេស ហើយពឹងផ្អែកលើទំនប់វារីអគ្គិសនីដើម្បីផលិតអគ្គិសនី បានផ្អាកការផលិត ដោយសារអាងស្តុកទឹកស្ងួត ហើយការជូនដំណឹងពណ៌ក្រហមសម្រាប់សីតុណ្ហភាពខ្ពស់ត្រូវបានបន្លឺឡើង ។
