ប្រទេសប៉ូឡូញបាននិយាយកាលពីថ្ងៃព្រហស្បតិ៍ថា ខ្លួនគ្រោងនឹងផ្តល់ឱ្យអ៊ុយក្រែននូវយន្តហោះចម្បាំង MiG-29 រាប់សិបគ្រឿង ដែលនឹងធ្វើឱ្យវាក្លាយជាសមាជិកណាតូដំបូងគេដែលបំពេញនូវសំណើបន្ទាន់កាន់តែខ្លាំងឡើងរបស់អ៊ុយក្រែន សម្រាប់យន្តហោះចម្បាំងដើម្បីការពារខ្លួនប្រឆាំងនឹងការឈ្លានពានរបស់រុស្ស៊ី ។
លោកប្រធានាធិបតី Andrzej Duda បាននិយាយថា ទីក្រុង Warsaw នឹងប្រគល់យន្តហោះចម្បាំងចំនួន 4 គ្រឿងដែលផលិតដោយសូវៀតក្នុងរយៈពេលពីរបីថ្ងៃខាងមុខនេះ ហើយអ្វីដែលនៅសេសសល់ត្រូវការការជួសជុល ប៉ុន្តែនឹងត្រូវបានផ្គត់ផ្គង់នៅពេលក្រោយ។
ចំណែកឯនាយករដ្ឋមន្ត្រីស្លូវ៉ាគីបាននិយាយនៅថ្ងៃសុក្រនេះថាប្រទេសស្លូវ៉ាគីនឹងបរិច្ចាគយន្តហោះចម្បាំង MiG-29 ចំនួន ១៣ គ្រឿងដល់អ៊ុយក្រែន ដោយធ្វើឱ្យវាក្លាយជាសមាជិកអង្គការណាតូទីពីរដែលបានប្រកាសពីការដឹកជញ្ជូនបែបនេះ ។
ជាការឆ្លើយតបនៅថ្ងៃសុក្រនេះវិមានក្រឹមឡាំងបាននិយាយថា យន្តហោះចម្បាំងដែលផ្តល់ឲ្យអ៊ុយក្រែន ដោយប៉ូឡូញ និងស្លូវ៉ាគី នឹងត្រូវបំផ្លាញ ហើយម្តងទៀតថា ការប្រគល់សព្វាវុធរបស់លោកខាងលិចទៅកាន់ទីក្រុងគៀវ នឹងមិនផ្លាស់ប្តូរគោលដៅយោធារបស់រុស្ស៊ីឡើយ ។
ប្រភព ៖ Reuters
By Suon Visal
