បុរសអ៊ីរ៉ង់ម្នាក់ត្រូវបានកងកម្លាំងសន្តិសុខអ៊ីរ៉ងបាញ់សម្លាប់ បន្ទាប់អបអរពេលក្រុមបាល់ទាត់ជម្រើសសហរដ្ឋអាម៉េរិកយកឈ្នះក្រុមបាល់ទាត់អ៊ីរ៉ង់១ទល់នឹង០នៅ World Cup

ក្រុមសិទ្ធិមនុស្សបាននិយាយថា បុរសជនជាតិអ៊ីរ៉ង់ម្នាក់ត្រូវបានបាញ់សម្លាប់ដោយកងកម្លាំងសន្តិសុខដែលគាត់ត្រូវបានគេចោទប្រកាន់ពីបទអបអរការធ្លាក់ចេញរបស់ក្រុមជម្រើសជាតិអ៊ីរ៉ង់ពីការប្រកួត World Cup Qatar។

លោក Mehran Samak ត្រូវបានសម្លាប់បន្ទាប់ពីបានចុចស៊ីផ្លេររថយន្តនៅក្នុងទីក្រុង Bandar Anzali ជាទីក្រុងភាគពាយ័ព្យនៃទីក្រុងតេអេរ៉ង់ នេះបើតាមក្រុមសកម្មជនសិទ្ធមនុស្ស ។

ក្រុមសិទ្ធិមនុស្សអ៊ីរ៉ង់ដែលមានមូលដ្ឋាននៅទីក្រុងអូស្លូបានបញ្ជាក់ពីមរណភាពរបស់លោក Samak នៅក្នុងសេចក្តីថ្លែងការណ៍មួយនៅលើ Twitter កាលពីថ្ងៃព្រហស្បតិ៍ ។

គាត់ត្រូវបានបាញ់ចំក្បាលដោយកងកម្លាំងរដ្ឋនៅពេលគាត់ចេញទៅចូលរួមអបអរការចាញ់របស់សាធារណរដ្ឋអ៊ីស្លាមក្នុងព្រឹត្តិការណ៍ FIFA World Cup 2022 នៅទីក្រុង Bandar Anzali កាលពីយប់មិញដូចមនុស្សជាច្រើននៅទូទាំងប្រទេស ។ គាត់ទើបតែមានអាយុ២៧ឆ្នាំប៉ុណ្ណោះ»។