ទីភ្នាក់ងារប្រឆាំងឧក្រិដ្ឋកម្មហិរញ្ញវត្ថុរបស់ប្រទេសឥណ្ឌា  បានវាយឆ្មក់ចូលការិយាល័យរបស់ក្រុមហ៊ុនផលិតស្មាតហ្វូន Vivo ដើម្បីស៊ើបអង្កេតលើការសង្ស័យពីការលាងលុយកខ្វក់!!
Breaking News

ទីភ្នាក់ងារប្រឆាំងឧក្រិដ្ឋកម្មហិរញ្ញវត្ថុរបស់ប្រទេសឥណ្ឌា  បានវាយឆ្មក់ចូលការិយាល័យរបស់ក្រុមហ៊ុនផលិតស្មាតហ្វូន Vivo ដើម្បីស៊ើបអង្កេតលើការសង្ស័យពីការលាងលុយកខ្វក់!!

ទីភ្នាក់ងារប្រឆាំងឧក្រិដ្ឋកម្មហិរញ្ញវត្ថុរបស់ប្រទេសឥណ្ឌា កាលពីថ្ងៃអង្គារបានវាយឆ្មក់ចូលការិយាល័យរបស់ក្រុមហ៊ុនផលិតស្មាតហ្វូន Vivo ដែលជាកម្មសិទ្ធិរបស់ក្រុមហ៊ុន BBK Electronics របស់ប្រទេសចិន និងអង្គភាពពាក់ព័ន្ធរបស់ខ្លួន នេះបើតាមមន្ត្រីជាន់ខ្ពស់រដ្ឋាភិបាល និងជានាយកប្រតិបត្តិឧស្សាហកម្មបានប្រាប់រ៉យទ័រ។

ប្រព័ន្ធផ្សព្វផ្សាយក្នុងស្រុកបានរាយការណ៍ថា វាយឆ្មក់ចូលដោយនាយកដ្ឋានអនុវត្តច្បាប់គឺជាផ្នែកមួយនៃការស៊ើបអង្កេតលើការសង្ស័យពីការលាងលុយកខ្វក់ ។ អគ្គនាយកដ្ឋានក្រុមហ៊ុន Vivo មិនបានឆ្លើយតបភ្លាមៗចំពោះសំណើសុំការអត្ថាធិប្បាយទេ ។

ការវាយឆ្មក់នៅក្រុមហ៊ុន Vivo នេះកើតឡើងប៉ុន្មានខែបន្ទាប់ពីនាយកដ្ឋានអនុវត្តច្បាប់បានបើកការស៊ើបអង្កេតលើក្រុមហ៊ុន Xiaomi Corp (1810.HK) ដែលជាអ្នកលក់ស្មាតហ្វូនឈានមុខគេមួយរបស់ប្រទេសឥណ្ឌា សម្រាប់ការចោទប្រកាន់ថាបានផ្ទេរប្រាក់ខុសច្បាប់ទៅក្រៅប្រទេស “ក្នុងរូបភាពជាសួយសារអាករ”។

ក្រុមហ៊ុន Xiaomi បានបដិសេធរាល់ការប្រព្រឹត្តខុស ហើយបានចោទប្រកាន់នៅក្នុងតុលាការថា នាយកប្រតិបត្តិកំពូលរបស់ខ្លួនបានប្រឈមមុខនឹងការគំរាមកំហែងនៃ “អំពើហឹង្សាលើរូបរាងកាយ” និងការបង្ខិតបង្ខំក្នុងអំឡុងពេលសាកសួរដោយមន្ត្រីនៅនាយកដ្ឋានប្រឆាំងឧក្រិដ្ឋកម្មហិរញ្ញវត្ថុរបស់ប្រទេសឥណ្ឌា ។ ប៉ុន្តែទីភ្នាក់ងារប្រឆាំងឧក្រិដ្ឋកម្មហិរញ្ញវត្ថុរបស់ប្រទេសឥណ្ឌា ​បាន​បដិសេធ​ការ​ចោទ​ប្រកាន់​នេះ ។

ក្រុមហ៊ុនចិនជាច្រើនបានជួបការលំបាកក្នុងការធ្វើអាជីវកម្ម នៅក្នុងប្រទេសឥណ្ឌាដោយសារតែភាពតានតឹងផ្នែកនយោបាយ បន្ទាប់ពីការប៉ះទង្គិចគ្នានៅតាមព្រំដែនក្នុងឆ្នាំ 2020 ។ ប្រទេសឥណ្ឌាបានលើកឡើងពីការព្រួយបារម្ភអំពីសុវត្ថិភាពចាប់តាំងពីការហាមឃាត់កម្មវិធីរបស់ចិនច្រើនជាង 300 ហើយថែមទាំងរឹតបន្តឹងបទដ្ឋានសម្រាប់ក្រុមហ៊ុនចិនដែលវិនិយោគនៅក្នុងប្រទេសឥណ្ឌាផងដែរ  ។

ប្រភព ៖ Reuters

Leave a Reply

Your email address will not be published. Required fields are marked *