ឧបនាយករដ្ឋមន្ត្រីរុស្ស៊ីលោក Yury Borisov បានបញ្ជាក់ថា យន្តហោះចម្បាំងបំបាំងកាយ Su-57 ជំនាន់ទី៥ របស់រុស្ស៊ី ត្រូវបានប្រើប្រាស់ក្នុងបេសកកម្មប្រយុទ្ធនៅអ៊ុយក្រែន ។
លោក Borisov បានប្រាប់អ្នកយកព័ត៌មាននៅខាងក្រៅវេទិកាសេដ្ឋកិច្ចអន្តរជាតិ St. Petersburg កាលពីថ្ងៃសៅរ៍ថា យន្តហោះទាំងនោះត្រូវបានប្រើប្រាស់ “ម្តងហើយម្តងទៀត” នៅក្នុងប្រទេសអ៊ុយក្រែន ទាំងបុគ្គល និងជាផ្នែកនៃក្រុម។ លោកបានបន្ថែមថា អាវុធរបស់យន្តហោះមានប្រសិទ្ធភាពខ្លាំងណាស់។
យន្តហោះ Su-57 ដំបូងបង្អស់បានចូលរួមជាមួយកងទ័ពអាកាសក្នុងឆ្នាំ 2020 ហើយបានហោះហើរក្នុងបេសកកម្មទម្លាក់គ្រាប់បែកនៅក្នុងប្រទេសស៊ីរី ។ ប្រព័ន្ធផ្សព្វផ្សាយរុស្ស៊ីបានរាយការណ៍ជាលើកដំបូងអំពីការប្រើប្រាស់យន្តហោះចម្បាំង Su-57 នៅអ៊ុយក្រែនក្នុងខែឧសភា ។
ប្រភព ៖
RT