តម្លៃប្រេងឆៅពិភពលោកនឹងធ្លាក់ចុះ 4%ទៀត បន្ទាប់ពីប្រទេសលោកខាងលិចបានប្រកាសដកថយលើទណ្ឌកម្មប្រេងរបស់រុស្ស៊ី ដោយសារតែខ្លួនមិនអាចទប់ទល់នឹងការគំរាមកំហែងនៃអត្រាអតិផរណា និងវិបត្តិថាមពល ពួកគេចាំបាច់ណាស់ត្រូវបន្ធូរបន្ថយភាពតានតឹង ដើម្បីកុំឲ្យតម្លៃប្រេងមានការកើនឡើង ទន្ទឹមនឹងនោះដែរចំណូលប្រេងចុងក្រោយរបស់រុស្ស៊ីហាក់មានកើនឡើង បើទោះបីការនាំចេញរបស់ខ្លួនមានការធ្លាក់ចុះក៏ដោយ ។
ថ្មីៗចុងក្រោយនេះ ប្រទេសលោកខាងលិចជាច្រើនបានប្រកាសដកខ្លួនចេញពីទណ្ឌកម្មប្រេងរបស់រុស្ស៊ី បន្ទាប់ពីពួកគេប្រឈមមុខទៅនឹងបញ្ហាអតិផរណាខ្លាំងបំផុតមិនធ្លាប់មាន ជាមួយនិងវិបត្តិកង្វះខាតថាមពលផងដែរ បញ្ហានេះតម្រូវឲ្យពួកគេត្រូវដើរថយក្រោយមួយជំហាន ដើម្បីឲ្យសេដ្ឋកិច្ចរបស់ប្រទេសពួកគេអាចបន្តទៅបានដោយមិនចង់ឃើញនូវវិបត្តិដ៏ធំនៅពេលខាងមុខនេះ ។