លោកប្រធានាធិបតីចិន ស៊ីជីនភីង បានធ្វើការថ្លែងសន្ទរកថា ក្នុងការបើកកិច្ចប្រជុំ ក្រុមប្រទេសដែលមានការអភិវឌ្ឍឆាប់រហ័ស ឬហៅកាត់ថា BRICS ដែលក្នុងនោះមានប្រទេសដូចជា ប្រេស៊ីល រុស្ស៊ី ឥណ្ឌា ចិន និងប្រទេសអាហ្វ្រិកខាងត្បូង ដោយកិច្ចប្រជុំពាក់ព័ន្ធទៅនឹងវិស័យសេដ្ឋកិច្ចនេះ បានធ្វើឡើងមុនពេលកិច្ចប្រជុំកំពូលជាលើដំបូងរបស់ក្រុមប្រទេស BRICS ដែលប្រទេសចិននឹងធ្វើជាម្ចាស់ផ្ទះនៅទីក្រុងប៉េកាំងក្នុងឆ្នាំនេះ ។ មេដឹងនាំចិន បានធ្វើការដាស់តឿនដល់ សហរដ្ឋអាម៉េរិក និងសហគមន៍អឺរ៉ុប ចំពោះវិធានការដាក់ទណ្ឌកម្មលើប្រទេសរុស្ស៊ី ដោយសារការវាយប្រហាលើប្រទេសអ៊ុយក្រែនថា ជាទង្វើដែលបង្កឲ្យមានផលប៉ះពាល់ដល់ផលប្រយោជន៍របស់ខ្លួនតែប៉ុណ្ណោះ ។ លោកស៊ីជីនភីងបានមានប្រសាសបន្ថែមថា “ការដែលយកសេដ្ឋកិច្ចពិភពលោកមកចូលពាក់ព័ន្ធជាមួយនឹងនយោ បាយដើម្បីធ្វើជាឧបករណ៍របស់ខ្លួន និងការតាំងចិត្តដោយប្រើប្រាស់តំណែងនៃអំណាចរបស់ខ្លួន ហើយយកគោលការណ៍ក្នុងប្រព័ន្ធហិរញ្ញវត្ថុរបស់ខ្លួន និងរបស់អន្តរជាតិមកឡូកឡំ គឺស្មើនឹងការបំផ្លាញផលប្រយោជន៍ខ្លួនឯង និងបង្កើននូវទុក្ខលំបាកដល់មនុស្សគ្រប់គ្នាតែប៉ុណ្ណោះ” ។
ប្រភព ៖ CNN
