ក្រុមហ៊ុន TotalEnergies រងការរិះគុណយ៉ាងខ្លាំងបន្ទាប់ពីរបាយការណ៍មួយនៅដើមសប្តាហ៍នេះដែលបាននិយាយថា ក្រុមហ៊ុនថាមពលរបស់បារាំងមួយនេះកំពុងផ្គត់ផ្គង់ប្រេងយន្តហោះដល់កងទ័ពរុស្ស៊ី នេះបើយោងតាមការចេញផ្សាយដោយសារព័ត៌មាន Reuters ។
ក្រុមហ៊ុន TotalEnergies បាននិយាយថា ផលិតផលប្រេងដែលទទួលបានកំឡុងពេលដំណើរការផលិតនៅបរិវេណ តំបន់ Ust-Luga ក្នុងប្រទេសរុស្ស៊ីរួមមានប្រេងឥន្ធនៈយន្តហោះ (Jet A-1) ដែលត្រូវបាននាំចេញផ្តាច់មុខទៅខាងក្រៅប្រទេសរុស្ស៊ី ហើយវាក៏មិនមានវិញ្ញាបនប័ត្រសម្រាប់លក់នៅក្នុងប្រទេសរុស្ស៊ីនោះដែរ” ។
ដូច្នេះវាច្បាស់ណាស់ថាការផ្សាយរបស់ប្រព័ន្ធផ្សព្វផ្សាយ និងការអំពាវនាវឱ្យស៊ើបអង្កេតសកម្មភាពរបស់ក្រុមហ៊ុន TotalEnergies គឺពិតជាគ្មានមូលដ្ឋាននៅក្នុងការពិតនោះទេ ។