ក្រុមហ៊ុន Neuralink Corp របស់លោក Elon Musk ដែលជាក្រុមហ៊ុនជំនាញផ្នែកវះកាត់ខួរក្បាលកំពុងប្រឈមមុខនឹងការស៊ើបអង្កេតរបស់អាជ្ញាធរសហព័ន្ធដោយសារតែការចោទប្រកាន់ថា “ការរំលោភលើសុខុមាលភាពសត្វ” អំឡុងពេលធ្វើតេស្តផលិតផល នេះបើតាមរ៉យទ័របានរាយការណ៍ប៉ុន្មានថ្ងៃបន្ទាប់ពីមហាសេដ្ឋីរូបនេះបានប្រកាសកំណត់ពេលវេលាថ្មីសម្រាប់ការសាកល្បងការដាក់បន្ទះឈីបលើខួរក្បាលមនុស្ស ។
អគ្គអធិការនៃក្រសួងកសិកម្មសហរដ្ឋអាម៉េរិកបានចាប់ផ្តើមការស៊ើបអង្កេតនៅក្នុង “ប៉ុន្មានខែថ្មីៗនេះ” បន្ទាប់ពីរដ្ឋអាជ្ញាសហព័ន្ធបាននិយាយថា ក្រុមហ៊ុន Neuralink អាចនឹងបំពានច្បាប់សុខុមាលភាពសត្វ នេះបើតាមការចេញផ្សាយដោយដកស្រង់ឯកសាររដ្ឋាភិបាល និងប្រភពជាច្រើនដែលដឹងពីការស៊ើបអង្កេតនេះ។
ច្បាប់សុខុមាលភាពសត្វគ្រប់គ្រងលើការព្យាបាលសត្វមួយចំនួនដែលប្រើក្នុងការស្រាវជ្រាវ និងការធ្វើតេស្តផលិតផលពាណិជ្ជកម្ម ដោយហាមឃាត់ការអនុវត្តន៍អមនុស្សធម៌ដែលបណ្តាលឱ្យមានការឈឺចាប់ ឬស្លាប់ដោយមិនចាំបាច់ ។
យោងតាមបុគ្គលិកបច្ចុប្បន្ន និងអតីតបុគ្គលិកក្រុមហ៊ុន Neuralink ជាង 20 នាក់ ក៏ដូចជាឯកសាររបស់ក្រុមហ៊ុនផ្ទៃក្នុងរាប់សិបនាក់ លោក Musk បានជំរុញអ្នកស្រាវជ្រាវនៅក្រុមហ៊ុនបន្ទះឈីបខួរក្បាលរបស់គាត់ឱ្យ “ពន្លឿនការអភិវឌ្ឍន៍” ក្នុងករណីខ្លះការពិសោធន៍នេះក៏ទទួលរងបរាជ័យផងដែរ ។
ប្រភព ៖
Reuters
