ក្រុងព្យុងយ៉ាងដែលជាសម្ព័ន្ធមិត្តរបស់ទីក្រុងម៉ូស្គូកាលពីខែកុម្ភៈបាននិយាយថា គោលនយោបាយរបស់សហរដ្ឋអាម៉េរិកគឺជា “ដើមហេតុដែលបង្កឲ្យមានវិបត្តិនៅអ៊ុយក្រែន” ហើយនៅក្នុងខែនេះកូរ៉េខាងជើងបានទទួលស្គាល់ជាផ្លូវការនូវតំបន់បំបែកខ្លួនដែលគាំទ្ររុស្ស៊ីចំនួនពីរនៅភាគខាងកើតអ៊ុយក្រែន ដែលជំរុញឱ្យទីក្រុងគៀវកាត់ផ្តាច់ទំនាក់ទំនងការទូតជាមួយកូរ៉េខាងជើង ។
ទីភ្នាក់ងារព័ត៌មានរដ្ឋកូរ៉េខាងជើង (KCNA) បាននិយាយកាលពីថ្ងៃអាទិត្យថា “បានបង្កើតមន្ទីរពិសោធន៍ជីវសាស្រ្តជាច្រើននៅក្នុងប្រទេស និងតំបន់ជាច្រើន រួមទាំងអ៊ុយក្រែន ដោយមិនគោរពសន្ធិសញ្ញាអន្តរជាតិ” ដោយលើកឡើងពីអ្វីដែលខ្លួនបាននិយាយថា “បានរកឃើញ” ដោយរុស្ស៊ី។
ទីក្រុងម៉ូស្គូកាលពីខែមីនាបានចោទប្រកាន់ទីក្រុងវ៉ាស៊ីនតោនពីបទផ្តល់មូលនិធិដល់ការស្រាវជ្រាវលើការអភិវឌ្ឍអាវុធជីវសាស្រ្តនៅអ៊ុយក្រែន ។
ទីក្រុងវ៉ាស៊ីនតោន និងទីក្រុងគៀវ បានបដិសេធចំពោះមន្ទីរពិសោធន៍ដែលមានបំណងផលិតអាវុធជីវសាស្រ្តក្នុងប្រទេសអ៊ុយក្រែន ដោយសហរដ្ឋអាម៉េរិកបាននិយាយថា ការចោទប្រកាន់នេះគឺជាសញ្ញាមួយបង្ហាញថា ទីក្រុងម៉ូស្គូអាចនឹងប្រើវិធីបែបនេះដោយខ្លួនឯង ។
លោក Izumi Nakamitsu អនុរដ្ឋលេខាធិការទទួលបន្ទុកកិច្ចការរំសាយអាវុធរបស់អង្គការសហប្រជាជាតិ ក៏បាននិយាយកាលពីខែមីនាថា អង្គការសហប្រជាជាតិ «មិនបានដឹងពីកម្មវិធីអាវុធជីវសាស្ត្រណាមួយនៅក្នុងអ៊ុយក្រែនទេ»។
ប្រភព ៖ Alarabiya English