វៀតណាម និងកម្ពុជាចង់ប្រើប្រាស់រូបិយប័ណ្ណក្នុងស្រុករបស់ពួកគេធ្វើពាណិជ្ជកម្មជាមួយម៉ាឡេស៊ី ដើម្បីកាត់បន្ថយការពឹងផ្អែកលើប្រាក់ដុល្លារអាម៉េរិក នេះបើយោងតាមនាយករដ្ឋមន្ត្រីម៉ាឡេស៊ី លោក Anwar Ibrahim ។
លោកបានមានប្រសាសន៍ថា “ប្រទេសម៉ាឡេស៊ីកំពុងកាត់បន្ថយយ៉ាងខ្លាំងនូវការពឹងផ្អែករបស់ខ្លួនលើប្រាក់ដុល្លារអាម៉េរិក ហើយរហូតមកដល់ពេលនេះយើងបានទទួលការឆ្លើយតបយ៉ាងល្អ” ។
ម៉ាឡេស៊ីបានចុះហត្ថលេខាលើកិច្ចព្រមព្រៀងជាមួយវៀតណាមនៅក្នុងកិច្ចប្រជុំកំពូលអាស៊ាននៅឆ្នាំនេះ ហើយប្រទេសទាំងពីរបានទទួលស្គាល់កិច្ចព្រមព្រៀងក្របខ័ណ្ឌដំណោះស្រាយរូបិយប័ណ្ណក្នុងស្រុក នេះបើតាមលោក Anwar ដែលកាន់ផ្នែកហិរញ្ញវត្ថុ។
លោកបានមានប្រសាសន៍ថា នាយករដ្ឋមន្ត្រីវៀតណាម Pham Minh Chinh ក៏បានផ្តល់ការយល់ព្រមចំពោះការពន្លឿនការចរចាលើការប្រើប្រាស់រូបិយប័ណ្ណក្នុងស្រុកសម្រាប់បញ្ហាពាណិជ្ជកម្ម។
លោកជឿជាក់ថាភាពជោគជ័យរបស់អាស៊ាន និងចិនក្នុងការប្រើប្រាស់រូបិយប័ណ្ណក្នុងស្រុកអាចលើកទឹកចិត្តប្រទេសផ្សេងទៀតឱ្យចូលរួមដោយទាញយកអត្ថប្រយោជន៍ពីដំណោះស្រាយនេះ ។
Khmer Times
