សហរដ្ឋអាម៉េរិកកាលពីថ្ងៃព្រហស្បតិ៍ បានដាក់ទណ្ឌកម្មលើក្រុមហ៊ុនអ៊ីរ៉ង់មួយ ដែលខ្លួនបានចោទប្រកាន់ពីបទសម្របសម្រួលជើងហោះហើរយោធា ដើម្បីដឹកជញ្ជូនយន្តហោះគ្មានមនុស្សបើករបស់អ៊ីរ៉ង់ទៅកាន់ប្រទេសរុស្ស៊ី និងក្រុមហ៊ុនចំនួនបីផ្សេងទៀត ដែលខ្លួនបាននិយាយថា ពាក់ព័ន្ធនឹងការផលិតយន្តហោះគ្មានមនុស្សបើករបស់អ៊ីរ៉ង់។ នេះបើយោងតាមការចេញផ្សាយដោយសារព័ត៌មាន Reuters ។
អាម៉េរិកចោទអ៊ីរ៉ង់ថា បានផ្គត់ផ្គង់យន្តហោះគ្មានមនុស្សបើកឲ្យរុស្ស៊ីសម្រាប់ប្រើក្នុងសង្រ្គាមនៅអ៊ុយក្រែន ដែលក្រុងតេអេរ៉ង់បានបដិសេធ ។
ក្រសួងរតនាគារសហរដ្ឋអាម៉េរិកនៅក្នុងសេចក្តីថ្លែងការណ៍មួយបាននិយាយថា ខ្លួនបានចាត់តាំងសេវាកម្មអាកាសយានដ្ឋាន Safiran ដែលមានមូលដ្ឋាននៅទីក្រុងតេអេរ៉ង់ដោយចោទប្រកាន់ថាខ្លួនបានសម្របសម្រួលជើងហោះហើរយោធារុស្ស៊ីរវាងអ៊ីរ៉ង់ និងរុស្ស៊ី រួមទាំងអ្នកដែលពាក់ព័ន្ធនឹងការដឹកជញ្ជូនយន្តហោះគ្មានមនុស្សបើក បុគ្គលិក និងឧបករណ៍ពាក់ព័ន្ធ ។
