អ៊ុយក្រែនជារដ្ឋមួយអាចនឹងបាត់ខ្លួនពីផែនទី “ជាលទ្ធផលនៃព្រឹត្តិការណ៍បច្ចុប្បន្ន” នេះបើតាមអនុប្រធានក្រុមប្រឹក្សាសន្តិសុខរុស្ស៊ី លោក Dmitry Medvedev បានសរសេរនៅលើ Telegram របស់គាត់នៅថ្ងៃព្រហស្បតិ៍នេះ ។
លោកបានកត់សម្គាល់ថា “បន្ទាប់ពីរដ្ឋប្រហារឆ្នាំ 2014 អ៊ុយក្រែនបានបាត់បង់ឯករាជ្យភាពរដ្ឋរបស់ខ្លួនហើយបានធ្លាក់នៅក្រោមការគ្រប់គ្រងដោយផ្ទាល់នៃសមូហភាពលោកខាងលិចក៏ដូចជាបានចាប់ផ្តើមជឿថាអង្គការណាតូនឹងធានាសន្តិសុខរបស់ខ្លួន” ។ អ្នកនយោបាយរូបនេះបានបន្ថែមថា “ជាលទ្ធផលនៃព្រឹត្តិការណ៍បច្ចុប្បន្នទាំងអស់ អ៊ុយក្រែនអាចនឹងបាត់បង់នូវអ្វីដែលនៅសេសសល់នៃអធិបតេយ្យភាពរដ្ឋរបស់ខ្លួន និងបាត់ពីផែនទីពិភពលោក”។
លោក Medvedev ក៏បានអះអាងផងដែរថា “ឧក្រិដ្ឋជនអ៊ុយក្រែន នឹងត្រូវកាត់ទោសចំពោះអំពើឃោរឃៅដែលបានប្រព្រឹត្តលើប្រជាជនអ៊ុយក្រែន និងរុស្ស៊ី”។
ប្រភព ៖ TASS