គ្រោះរាំងស្ងួតត្រូវបានប្រកាសនៅទូទាំងប្រទេសអង់គ្លេស បន្ទាប់ពីអ្នកជំនាញបានជួបប្រជុំគ្នា នេះបើយោងតាមការចេញផ្សាយដោយសារព័ត៌មាន The Guardian ។
គ្រោះរាំងស្ងួតអូសបន្លាយនៅក្នុងតំបន់ខ្លះនៃប្រទេសនេះ បន្ទាប់ពីមិនទទួលបានភ្លៀងធ្លាក់សោះពេញមួយរដូវក្តៅ នឹងបានបណ្តាលឱ្យស្ថាប័នគ្រោះរាំងស្ងួតជាតិប្រកាសពីគ្រោះរាំងស្ងួតជាផ្លូវការ។
ទីភ្នាក់ងារបរិស្ថានបានប្រកាសគ្រោះរាំងស្ងួតនៅក្នុងតំបន់ចំនួនប្រាំបីនៃតំបន់ទាំង 14 របស់ខ្លួនដែលមានដូចជា តំបន់ Devon និងតំបន់ Cornwall, Solent តំបន់ និង South Downs, Kent និងភាគខាងត្បូងទីក្រុងឡុងដ៍,តំបន់ Herts និងភាគខាងជើងទីក្រុងឡុងដ៍ East Anglia, Thames, Lincolnshire និង Northamptonshire និងភាគខាងកើត Midlands ។
របាយការណ៍ដែលត្រូវបានដកស្រង់ដោយកាសែត Guardian បានបង្ហាញថាទីភ្នាក់ងារបរិស្ថានរំពឹងថាតំបន់ពីរបន្ថែមទៀតនឹងឈានទៅរកគ្រោះរាំងស្ងួតនៅចុងខែ សីហា ដែលតំបន់ទាំងនេះមានដូចជា តំបន់Yorkshire និង តំបន់ West Midlands ។
ស្ថាប័ននេះបានជួបប្រជុំគ្នានៅដើមរដូវក្តៅនេះ ដើម្បីពិភាក្សាអំពីកង្វះទឹកភ្លៀង ហើយបានសម្រេចចិត្តដាក់ប្រទេសនៅក្នុង “ស្ថានភាពអាកាសធាតុគ្រោះរាំងស្ងួត” ដែលជាដំណាក់កាលដំបូងនៃគំរោងគ្រោះស្ងួតបន្ទាន់ចំនួនបួន និងជំហានមួយមុនពេលគ្រោះរាំងស្ងួត ។ ឥឡូវនេះ ប្រទេសបានឈានដល់ដំណាក់កាលទីពីរហើយ។
នេះមានន័យថា ការចែកចាយទឹកអាចប្រព្រឹត្តទៅនៅទូទាំងប្រទេស ដោយមានឧបសគ្គច្រើនជាងមុនសម្រាប់ក្រុមហ៊ុនផ្គត់ផ្គង់ទឹកដែលមានបំណងហាមឃាត់អតិថិជនមិនឱ្យប្រើប្រាស់ទុយោទឹកដើម្បីស្រោចផ្កា និងមិនឲ្យលាងរថយន្តដោយទឹកម៉ាស៊ីន ។ វិធានការធ្ងន់ធ្ងរជាងនេះក៏អាចត្រូវបានដាក់ឱ្យអនុវត្តនៅដំណាក់កាលនេះ រួមទាំងការហាមឃាត់ការប្រើប្រាស់ថ្នាំបាញ់ទឹក ការសម្អាតអគារ យានជំនិះ និងបង្អួច ។
