យោងតាមសេចក្តីថ្លែងការណ៍មួយដែលបានចេញផ្សាយនៅលើគេហទំព័ររបស់ខ្លួននៅថ្ងៃព្រហស្បតិ៍នេះ កញ្ចប់ទណ្ឌកម្មថ្មីរួម បញ្ចូលទៅក្នុងច្បាប់របស់សហភាពអឺរ៉ុប ជាមូលដ្ឋានដើម្បីដាក់កម្រិតតម្លៃទាក់ទងនឹងការដឹកជញ្ជូនប្រេងតាមសមុទ្ររបស់រុស្ស៊ីសម្រាប់ប្រទេសទីបី និងការរឹតបន្តឹងបន្ថែមទៀតលើការដឹកជញ្ជូនប្រេងឆៅតាមសមុទ្រ និង ផលិតផលប្រេងទៅកាន់ប្រទេសទីបី ។
សហភាពអឺរ៉ុបក៏កំពុងពង្រីកការហាមឃាត់ការនាំចូលផលិតផលដែកដែលផលិតនៅក្នុងប្រទេសរុស្ស៊ី ឬត្រូវបាននាំចេញពីប្រទេសរុស្ស៊ីផងដែរ ។ ការរឹតបន្តឹងបន្ថែមទៀតក៏ត្រូវបានដាក់លើកម្ទេចឈើ និងក្រដាស បារី ប្លាស្ទិក និងគ្រឿងសម្អាង ក៏ដូចជាធាតុដែលប្រើប្រាស់ក្នុងឧស្សាហកម្មគ្រឿងអលង្ការ ដូចជាថ្ម និងលោហធាតុដ៏មានតម្លៃ ។ វិស័យអាកាសចរណ៍ប្រឈមនឹងការរឹតបន្តឹងបន្ថែមទៀតលើការលក់ ផ្ទេរការផ្គត់ផ្គង់ ឬការនាំចេញទំនិញ ។ លើសពីនេះ ទណ្ឌកម្មបានកំណត់គោលដៅបុគ្គលកាន់តែច្រើន រួមទាំងនៅក្រសួងការពារជាតិរុស្ស៊ីផងដែរ ។
អ្នកការទូតកំពូលរបស់សហភាពអឺរ៉ុប លោក Josep Borrell បាននិយាយថា យើងកំពុងវាយលុកសេដ្ឋកិច្ចសង្រ្គាមរបស់រុស្ស៊ីបន្ថែមទៀត ដោយកំណត់សមត្ថភាពនាំចូល/នាំចេញរបស់រុស្ស៊ី ហើយកំពុងស្ថិតនៅលើផ្លូវលឿន ដើម្បីរំដោះខ្លួនយើងពីការពឹងផ្អែកលើថាមពលរបស់រុស្ស៊ីផងដែរ ។
ប្រភព ៖ RT
