យន្តហោះចម្បាំងអាម៉េរិកដែលមានសមត្ថភាពបំបាំងកាយបានបាត់ខ្លួនអំឡុងពេលជួបគ្រោះថ្នាក់ក្នុងពេលហោះហើរ ដោយជំរុញឱ្យមានការអំពាវនាវពីសំណាក់អាជ្ញាធរដល់សាធារណជនឱ្យជួយស្វែងរកយន្តហោះតម្លៃរាប់លានដុល្លារដែលបាត់ខ្លួននេះ ។
យន្តហោះ F-35 នេះបានជួបគ្រោះថ្នាក់នៅភាគអាគ្នេយ៍នៃរដ្ឋ South Carolina កាលពីថ្ងៃអាទិត្យ ខណៈអ្នកបើកយន្តហោះបានប្រើប្រព័ន្ធសុវត្ថិភាព (eject) ដើម្បីរំដោះខ្លួនចេញដោយសុវត្ថិភាព ។
ទោះជាយ៉ាងណាក៏ដោយ ឧបទ្ទវហេតុធ្លាក់យន្តហោះនេះបានបន្សល់ទុកនូវបញ្ហាដ៏ធំមួយដោយយោធាអាម៉េរិកមិនអាចស្វែងរកយន្តហោះនោះឃើញឡើយ ដែលនាំឱ្យមានការសុំជំនួយពីអ្នកស្រុក ។ អាជ្ញាធរមូលដ្ឋានបាននិយាយថា ពួកគេកំពុងស្វែងរកដោយមានការសម្របសម្រួលជាមួយនិយតករអាកាសចរណ៍សហព័ន្ធនៅជុំវិញបឹងចំនួនពីរនៅភាគខាងជើងនៃទីក្រុង Charleston ។
យន្តហោះចម្បាំង F-35 នេះជាយន្តហោះដែលផលិតដោយក្រុមហ៊ុន Lockheed Martin មានតម្លៃប្រហែល ៨០ លានដុល្លារក្នុងមួយគ្រឿង។
Al Jazeera
