ប្រធានាធិបតីរុស្ស៊ី លោក វ្ល៉ាឌីមៀរ ពូទីន បានធ្វើអត្ថាធិប្បាយជាសាធារណៈលើកដំបូងកាលពីថ្ងៃព្រហស្បតិ៍អំពីការធ្លាក់យន្តហោះដែលគេជឿថាបានសម្លាប់លោក Yevgeny Prigozhin ដោយនិយាយថាមេដឹកនាំ Wagner មានទេពកោសល្យ ប៉ុន្តែលោកបានធ្វើកំហុសដ៏ធ្ងន់ធ្ងរក្នុងជីវិត ។
ការធ្លាក់កាលពីថ្ងៃពុធបានកើតឡើងនៅភាគពាយព្យនៃទីក្រុងម៉ូស្គូ ហើយបានសម្លាប់មនុស្សទាំងអស់នៅលើយន្តហោះ រួមទាំងលោក Prigozhin ប្រធានក្រុមទាហានស៊ីឈ្នួលដែលទទួលបានភាពល្បីល្បាញសម្រាប់វិធីសាស្រ្តដ៏ឃោរឃៅរបស់ខ្លួនទូទាំងពិភពលោក និងជ័យជម្នះក្នុងសមរភូមិក្នុងសង្គ្រាមអ៊ុយក្រែន។ អាជ្ញាធរកំពុងតែកំណត់អត្តសញ្ញាណសាកសព ។
លោក ពូទីន បាននិយាយថា “ជាដំបូង ខ្ញុំចង់ចូលរួមរំលែកទុក្ខយ៉ាងស្មោះស្ម័គ្រចំពោះក្រុមគ្រួសារនៃជនរងគ្រោះទាំងអស់ ដែលនេះជាសោកនាដកម្មមួយ”។ លោកពូទីនបាននិយាយក្នុងអំឡុងកិច្ចប្រជុំជាមួយប្រមុខនៃសាធារណរដ្ឋប្រជាមានិត Donetsk (DPR) នៅវិមានក្រឹមឡាំងថា គាត់បានស្គាល់ប្រធាន Wagner យូរណាស់មកហើយ ហើយថាគាត់ជា បុរសមានទេពកោសល្យ និងអ្នកជំនួញដែលមានទេពកោសល្យ” ។
ការធ្លាក់យន្តហោះរបស់លោក Prigozhin បានកើតឡើងពីរខែបន្ទាប់ពីលោក Prigozhin និងក្រុមទាហានស៊ីឈ្នួល Wagner បានចាប់ផ្តើមការបះបោររបស់ពួកគេ ដែលជាបញ្ហាប្រឈមដ៏ធំបំផុតចំពោះអាជ្ញាធររបស់ពូទីនក្នុងអំឡុងពេលកាន់អំណាចដ៏យូររបស់គាត់។
CNN
