ប្រធានាធិបតីអាម៉េរិកលោក ចូ បៃដិន កាលពីថ្ងៃចន្ទបាននិយាយថា រុស្ស៊ីមិនគួរត្រូវបានចាត់តាំងជារដ្ឋគាំទ្រភេរវកម្មទេ ដែលជាអ្វីមួយដែលអ៊ុយក្រែនបានជំរុញឲ្យអាម៉េរិកចាត់តាំងដូច្នេះចំពេលមានការឈ្លានពានរបស់រុស្ស៊ី ខណៈក្រុងម៉ូស្គូបានព្រមានថា ការដាក់រុស្ស៊ីជារដ្ឋគាំទ្រភេរវកម្មនឹងធ្វើឱ្យទំនាក់ទំនងអាម៉េរិក និងរុស្ស៊ីបែកបាក់ ។ នេះបើយោងតាមការចេញផ្សាយដោយសារព័ត៌មាន Reuters ។
នៅពេលសួរថាតើរុស្ស៊ីគួរត្រូវបានចាត់តាំងជាអ្នកឧបត្ថម្ភរដ្ឋនៃអំពើភេរវកម្មឬយ៉ាងណានោះ លោក បៃដិន បានប្រាប់អ្នកយកព័ត៌មាននៅឯសេតវិមានថា “ទេ”។
សមាជិកសភាអាម៉េរិកមួយចំនួនក៏បានជំរុញឲ្យមានការតែងតាំងរុស្ស៊ីជារដ្ឋគាំទ្រភេរវកម្មដែរ ។