ប្រធានសភាតំណាងរាស្រ្តអាម៉េរិកលោកស្រី Nancy Pelosi នៅថ្ងៃអាទិត្យនេះបានថ្កោលទោសយ៉ាងខ្លាំងនូវអ្វីដែលលោកស្រីបាននិយាយថាជាការវាយប្រហារតាមព្រំដែនដោយខុសច្បាប់ពីសំណាក់ប្រទេសអាស៊ែបៃហ្សង់មកលើប្រទេសអាមេនី ដែលបានបង្កឱ្យមានការប៉ះទង្គិចគ្នាហើយបណ្ដាលឲ្យមនុស្សជាង 200 នាក់ត្រូវបានសម្លាប់ ។ នេះបើយោងតាមការចេញផ្សាយដោយសារព័ត៌មាន Reuters ។
លោកស្រី Pelosi បាននិយាយថាការធ្វើដំណើររបស់លោកស្រីទៅកាន់ប្រទេសអាមេនីមានសារៈសំខាន់ជាពិសេសបន្ទាប់ពីការវាយប្រហារដោយខុសច្បាប់ និងការសម្លាប់មនុស្សដោយអាស៊ែបៃហ្សង់មកលើអាមេនី ។
លោកស្រី Pelosi បាននិយាយថា “យើងថ្កោលទោសយ៉ាងខ្លាំងចំពោះការវាយប្រហារទាំងនោះ” ។ លោកស្រីបាននិយាយថា វាច្បាស់ណាស់ថាការប្រយុទ្ធគ្នាតាមព្រំដែនត្រូវបានបង្កឡើងដោយការវាយប្រហាររបស់អាស៊ែបៃហ្សង់មកលើប្រទេសអាមេនី ។
