ក្រសួងការបរទេសរុស្ស៊ីបាននិយាយនៅថ្ងៃព្រហស្បតិ៍នេះថា ប្រសិនបើសហរដ្ឋអាម៉េរិកសម្រេចចិត្តផ្គត់ផ្គង់ទីក្រុងគៀវ ជាមួយនឹងមីស៊ីលរយៈចម្ងាយឆ្ងាយនោះ សហរដ្ឋអាម៉េរិកនឹងឆ្លងកាត់បន្ទាត់ក្រហម ហើយក្លាយនឹងជាភាគីនៃជម្លោះដោយផ្ទាល់ ។ នេះបើយោងតាមការចេញផ្សាយដោយសារព័ត៌មាន Reuters ។
នៅក្នុងសន្និសីទសារព័ត៌មានមួយ អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បានបន្ថែមថា រុស្ស៊ី «រក្សាសិទ្ធិការពារទឹកដីរបស់ខ្លួន»។
ទីក្រុងវ៉ាស៊ីនតោនបានផ្គត់ផ្គង់ដោយបើកចំហដល់អ៊ុយក្រែននូវគ្រាប់រ៉ុក្កែត GMLRS កម្រិតខ្ពស់ ដែលបាញ់ចេញពីប្រព័ន្ធបាញ់គ្រាប់រ៉ុក្កែត HIMARS ដែលអាចវាយប្រហារគោលដៅបានចម្ងាយរហូតដល់ 80 គីឡូម៉ែត្រ (50 ម៉ាយ) ។
មន្ត្រីអាម៉េរិកនិយាយថា អ៊ុយក្រែនបានសន្យាជាមួយអាម៉េរិកថា នឹងមិនប្រើគ្រាប់រ៉ុក្កែតរបស់អាម៉េរិក ដើម្បីវាយប្រហារទឹកដីរុស្ស៊ីរបស់រុស្ស៊ីទេ ។
ប្រព័ន្ធបាញ់មីស៊ីល HIMARS ក៏អាចប្រើសម្រាប់បាញ់មីស៊ីលយុទ្ធសាស្ត្រ ATACMS រយៈចម្ងាយឆ្ងាយ ដែលអាចបាញ់បានចម្ងាយដល់ទៅ ៣០០ គីឡូម៉ែត្រ ។ មន្ត្រីជាន់ខ្ពស់អ៊ុយក្រែនបានបដិសេធមិននិយាយនៅថ្ងៃទី 19 ខែសីហាថា តើទីក្រុងគៀវឥឡូវនេះមានគ្រាប់រ៉ុក្កែត ATACMS ដែរឬអត់នោះទេ ។