វិមានក្រឹមឡាំងបាននិយាយថ្ងៃសុក្រនេះថា រុស្ស៊ីនឹងបញ្ឈប់ការលក់ប្រេងទៅឱ្យប្រទេសដែលកំណត់តម្លៃលើធនធានថាមពលរបស់រុស្ស៊ី ដែលទីក្រុងម៉ូស្គូបាននិយាយថា ការកំណត់តម្លៃប្រេងរុស្ស៊ីនឹងនាំឱ្យមានអស្ថិរភាពនៃទីផ្សារប្រេងពិភពលោក ។ នេះបើយោងតាមការចេញផ្សាយដោយសារព័ត៌មាន Reuters ។
អ្នកនាំពាក្យវិមានក្រឹមឡាំង លោក Dmitry Peskov បានប្រាប់អ្នកយកព័ត៌មាននៅក្នុងសន្និសីទមួយថា “ក្រុមហ៊ុនដែលកំណត់តម្លៃកំណត់នឹងមិនស្ថិតក្នុងចំណោមអ្នកដែលទទួលប្រេងរុស្ស៊ីទេ” ។
រដ្ឋមន្ត្រីហិរញ្ញវត្ថុរបស់ក្រុមប្រទេស (G7) គ្រោងនឹងជួបប្រជុំគ្នានៅថ្ងៃសុក្រ ហើយត្រូវបានគេរំពឹងថានឹងពង្រឹងផែនការកំណត់តម្លៃលើការទិញប្រេងរបស់រុស្ស៊ីក្នុងគោលបំណងកាត់បន្ថយប្រាក់ចំណូលដែលហូរទៅកាន់ទីក្រុងម៉ូស្គូ ។