ការប៉ុនប៉ងរបស់លោកខាងលិចក្នុងការចោទប្រកាន់រុស្ស៊ីពីការបង្កើតឲ្យមានវិបត្តិស្បៀងអាហារពិភពលោក គឺជាការនិយាយកុហក ខណៈដែលស្ថានភាពបានចាប់ផ្តើមកាន់តែអាក្រក់តាំងពីប៉ុន្មានឆ្នាំមុនមកម្លេះ នេះបើតាមអនុប្រធានក្រុមប្រឹក្សាសន្តិសុខរុស្ស៊ីលោក Dmitry Medvedev បាននិយាយនៅក្នុងបទសម្ភាសន៍មួយទៅកាន់ទូរទស្សន៍ Al Jazeera របស់ប្រទេសកាតា។
លោក Medvedev បាននិយាយថា “ដើម្បីកែលម្អសន្តិសុខស្បៀងនៅទូទាំងពិភពលោក ដើម្បីបង្កើនប្រសិទ្ធភាពនៃស្ថានភាពម្ហូបអាហារ យើងត្រូវបោះបង់ការដាក់ទណ្ឌកម្មទៅវិញទៅមក ហើយតម្លៃនឹងចាប់ផ្តើមធ្លាក់ចុះ” ។
ការអត្ថាធិប្បាយលើការប៉ុនប៉ងរបស់លោកខាងលិចក្នុងការស្តីបន្ទោសលើប្រទេសរុស្ស៊ីអំពីវិបត្តិនេះ មន្ត្រីរុស្ស៊ីបានឆ្លើយតបថា “នេះគឺជាការនិយាយកុហក” ។
លោកបានពន្យល់ថា៖ «ស្ថានភាពអាហារនៅលើភពផែនដីបានចាប់ផ្តើមកាន់តែអាក្រក់ឡើងប្រហែល ៥ ឬ ៧ ឆ្នាំមុនមកម្លេះ ។ “នេះគឺដោយសារតែហេតុផលជាច្រើន ដូចជាការគណនាម៉ាក្រូសេដ្ឋកិច្ចខុស ការប្រមូលផលមិនបានល្អ គ្រោះរាំងស្ងួត ការប្រែប្រួលអាកាសធាតុ ការសម្រេចចិត្តដែលធ្វើឡើងដោយរដ្ឋាភិបាលមួយចំនួនដែលពេលខ្លះមិនត្រឹមត្រូវ ។ នេះជាពេលដែលវាចាប់ផ្តើម។”
ប្រភព ៖
TASS
