រដ្ឋមន្ត្រីការពារជាតិរុស្ស៊ីនិយាយថា មានកងទ័ពបម្រុងប្រមាណ 300,000 នាក់បន្ថែមទៀតនឹងត្រូវបានកោះហៅឱ្យ​ចូលប្រយុទ្ធនៅអ៊ុយក្រែន

រដ្ឋមន្ត្រីការពារជាតិរុស្ស៊ីលោក Sergei Shoigu បាននិយាយនៅថ្ងៃពុធនេះថា ក្រឹត្យរបស់ប្រធានាធិបតី វ៉្លាឌីមៀរ ពូទីន ស្តីពីការចល័តទ័ពដោយផ្នែកនឹងមានទាហានបម្រុងបន្ថែមចំនួន 300,000 នាក់ត្រូវបានកោះហៅឱ្យបម្រើក្នុងយុទ្ធនាការយោធារបស់រុស្ស៊ីនៅអ៊ុយក្រែន នេះបើយោងតាមការចេញផ្សាយដោយសារព័ត៌មាន Reuters ។

នៅក្នុងបទសម្ភាសន៍ជាមួយទូរទស្សន៍រដ្ឋរុស្ស៊ី លោក Shoigu បាននិយាយថា សិស្ស និស្សិត និងអ្នកដែលបម្រើការជាទាហាននឹងមិនត្រូវបានគេហៅនោះទេ ហើយទ័ពបម្រុង​ភាគច្រើនរបស់រុស្ស៊ីក៏នឹងមិនត្រូវបានរាប់បញ្ជូលដែរ ។