យានបាញ់រ៉ុក្កែត Thunder 2000 របស់កងទ័ពតៃវ៉ាន់ បានផ្ទុះអំឡុងពេលសមយុទ្ធនៅព្រឹកនេះ (ថ្ងៃទី២០) ហើយសមយុទ្ធនេះក៏ត្រូវបានផ្អាក ប៉ុន្តែមិនមានអ្នកស្លាប់ និងរបួសត្រូវបានគេរាយការណ៍ទេ ។
យោងតាមបណ្តាញព័ត៌មាន Zhongshi របស់តៃវ៉ាន់បានរាយការណ៍ថា យានបាញ់រ៉ុក្កែត Thunder 2000 នៃកងកាំភ្លើងធំទី 58 របស់កងទ័ពបានផ្ទុះនៅម៉ោង 9:00 ព្រឹកនៅឯមូលដ្ឋានទ័ព Pingtung Jiupeng ក្នុងពេលសមយុទ្ធប្រចាំឆ្នាំរបស់កងទ័ព ។
បើតាមសេចក្តីរាយការណ៍ បានឲ្យដឹងថា នៅពេលដែលរថយន្តបាញ់បង្ហោះ កាំជ្រួចមួយគ្រាប់មិនត្រូវបានបាញ់ដោយមូលហេតុណាមួយឡើយ ហើយបានផ្ទុះដោយផ្ទាល់នៅក្នុងប្រអប់បាញ់បង្ហោះ បណ្តាលឲ្យរថយន្តទាំងមូលត្រូវបានឆាបឆេះ និងបណ្តាលឲ្យឆេះតែម្តង ។ កម្លាំងមូលដ្ឋាន Jiupeng បានពន្លត់ភ្លើងភ្លាមៗ ដោយមិនបណ្តាលឲ្យមានអ្នករងរបួសឡើយ។
ប្រភព ៖
Lianhe Zaobao
