យ៉ាងហោចណាស់មនុស្ស 6 នាក់បានស្លាប់ និង 26 នាក់បានរងរបួសនៅក្នុងការបាញ់ប្រហារមួយក្នុងអំឡុងពេលក្បួនព្យុះហយាត្រា “ទិវាឯករាជ្យ” នៅឧទ្យាន Highland រដ្ឋ Illinois សហរដ្ឋអាម៉េរិក កាលពីថ្ងៃចន្ទ (ទី 4 ខែកក្កដា) ។
យោងតាមរបាយការណ៍ពីទីភ្នាក់ងារសារព័ត៌មាន Reuters និង Xinhua ក្បួនដង្ហែរ “ទិវាឯករាជ្យ” ត្រូវបានធ្វើឡើងនៅ ឧទ្យានHighland Park ចម្ងាយប្រហែល 40 គីឡូម៉ែត្រភាគខាងជើងនៃទីក្រុង Chicago ដែលជាទីក្រុងធំទី 3 នៅសហរដ្ឋអាម៉េរិក ក្នុងអំឡុងពេលដែលក្បួនដង្ហែរត្រូវបានធ្វើឡើងការបាញ់ប្រហារបានកើតឡើងភ្លាមៗ ។ ប៉ូលីសក្នុងតំបន់បាននិយាយថា ការបាញ់ប្រហារនេះបានសម្លាប់មនុស្សយ៉ាងតិច6នាក់ និងរបួស 26 នាក់ក្នុងនោះមាន រួមទាំងកុមារយ៉ាងតិចបួននាក់ផងដែរ ។ អ្នកនាំពាក្យមន្ទីរពេទ្យបាននិយាយថា អ្នករបួសមានអាយុចន្លោះពី ៨ ទៅ ៨៥ ឆ្នាំ។
ប៉ូលីសបាននិយាយថា ពួកគេបានកំណត់អត្តសញ្ញាណជនសង្ស័យនៅក្នុងការបាញ់ប្រហារនេះបានហើយដែលមានឈ្មោះថា Robert E Crimo III អាយុ 22 ឆ្នាំ រស់នៅតំបន់នោះ ។ ពេលនោះជនសង្ស័យជិះឡានម៉ាកហុងដាហ្វីត ពណ៌ទឹកប្រាក់ ស៊េរី២០១០ ។ អ្នកនាំពាក្យប៉ូលិស Coveley បានប្រាប់អ្នកយកព័ត៌មានថា “ជនសង្ស័យត្រូវបានគេចាត់ទុកថាជាមនុស្សប្រដាប់អាវុធ និងគ្រោះថ្នាក់” ដោយបន្ថែមថា មនុស្សមិនគួរចូលទៅជិតគាត់ប្រសិនបើពួកគេឃើញគាត់ ។
ប្រភព ៖ Reuters & Xinhua
