យោងតាមអាជ្ញាធរក្នុងតំបន់បានឱ្យដឹងថា បុរសស្បែកសពាក់ម៉ាស់ម្នាក់បានបាញ់សម្លាប់ជនជាតិស្បែកខ្មៅបីនាក់នៅក្នុងហាងមួយក្នុងរដ្ឋផ្លរីដា ភាគខាងត្បូងសហរដ្ឋអាម៉េរិក ក្នុងការវាយប្រហារដោយសារប្រកាន់រើសអើងពូជសាសន៍ ។
យោងតាមការិយាល័យតម្រួតនៅទីក្រុង Jacksonville បុរសជាខ្មាន់កាំភ្លើងនោះដែលមានអាយុ ២០ ឆ្នាំ ប៉ុន្តែមិនទាន់ត្រូវបានបញ្ចេញឈ្មោះបានពាក់អាវក្រោះពេលគាត់ចូលទៅក្នុងហាងលក់ទំនិញ Dollar General ប្រដាប់ដោយកាំភ្លើងវែងបែបវាយប្រហារ និងកាំភ្លើងខ្លីមួយដើម ។ ខ្មាន់កាំភ្លើងរូបនេះបានបាញ់សម្លាប់អតិថិជនស្បែកខ្មៅបីនាក់ ក្នុងនោះមានបុរសពីរនាក់ និងស្ត្រីម្នាក់ ។ បន្ទាប់មកបានបាញ់តបតជាមួយប៉ូលិស និងបានបាញ់សម្លាប់ខ្លួនឯង ។
ប៉ូលិសក្នុងតំបន់បានប្រាប់សន្និសីទសារព័ត៌មានមួយកាលពីថ្ងៃសៅរ៍ថា “ការបាញ់ប្រហារនេះត្រូវបានធ្វើឡើងដោយសារការរើសអើងជាតិសាសន៍ ហើយខ្មាន់កាំភ្លើងរូបនេះស្អប់មនុស្សស្បែកខ្មៅ” ។
Al Jazeera
