ប្រធានាធិបតីតៃវ៉ាន់ព្រមានទៅកាន់ចិនដែលកំពុងធ្វើសមយុទ្ធយោធាថា យើងនឹងការពារខ្លួនយើង !!

ប្រធានាធិបតី​តៃវ៉ាន់​និយាយ​ថា ប្រទេស​របស់​លោកស្រី​នឹង​មិន​បង្ក​ជម្លោះ​ទេ ប៉ុន្តែ​នឹង​ការពារ​យ៉ាង​ម៉ឺងម៉ាត់​នូវ​អធិបតេយ្យភាព និង​សន្តិសុខ​ជាតិរបស់យើង ។ លោកស្រី Tsai Ing-wen បានផ្ញើសារជាវីដេអូជាការឆ្លើយតបទៅនឹងសមយុទ្ធរបស់ចិន ដែលក្នុងនោះបានបាញ់មីស៊ីលនៅជិតដែនទឹកតៃវ៉ាន់ មួយថ្ងៃបន្ទាប់ពីប្រធានសភាអាម៉េរិកលោក Nancy Pelosi បានធ្វើដំណើរ​ទៅកាន់កោះនេះ ។ ប្រធានាធិបតី​តៃវ៉ាន់​និយាយ​ថា ​យើង​មាន​ចិត្ត​ស្ងប់​មិន​ញាប់​ញ័រទេ យើង​មាន​ហេតុផល​របស់យើងក្នុងការមិនបង្កហេតុ ប៉ុន្តែ​យើង​ក៏​នឹង​រឹងប៉ឹង ហើយក៏មិន​ញញើត​ដែរ ។ តៃវ៉ាន់​នឹង​មិន​ធ្លាក់​ចូលក្នុង​បញ្ហា​ប្រឈម​ឡើយ នេះបើយោងតាមការចេញផ្សាយដោយសារព័ត៌មាន The Guardian ។