ប្រតិភូរបស់បេសកកម្មរបស់ទីភ្នាក់ងារថាមពលអាតូមិកអន្តរជាតិ (IAEA) ទៅកាន់រោងចក្រនុយក្លេអ៊ែរ Zaporizhzhia នៅភាគខាងត្បូងអ៊ុយក្រែន បានមកដល់ទីក្រុង Zaporizhzhia ដែលគ្រប់គ្រងដោយអ៊ុយក្រែននៅថ្ងៃពុធនេះហើយ នេះបើយោងតាមការចេញផ្សាយដោយសារព័ត៌មាន Reuters ។
បេសកកម្មរបស់ IAEA ដែលដឹកនាំដោយប្រធានទីភ្នាក់ងារថាមពលអាតូមិកអន្តរជាតិលោក Rafael Grossi មានបំណងត្រួតពិនិត្យរោងចក្រ Zaporizhzhia បន្ទាប់ពីទឹកដីរបស់រោងនេះត្រូវបានបាញ់ផ្លោងម្តងហើយម្តងទៀតកាលពីខែមុន ខណៈអ៊ុយក្រែន និងរុស្ស៊ីបានស្តីបន្ទោសចំពោះការវាយប្រហារនេះ ។